شانە کوٙ fistulous wither
نەوەشیێوە تایبەن بە "ئەسپ،هەر، هەسەرە" دلێ شاناش یام سەرو شانەیش
کوٙیوٙ، بۆ بە "ناسور"چن نامێوە
تەریٛش هەنیٛ" چیٛر کوٙپان ڕیٛش بیەی saddle sore "، یام
برۆسیلۆسیس brucellosis
هورکارو
نەوەشیەکەی: شانە کوٙ یام ناسورو
دلیٛشانەی ، بە نونگەو بەکتریاو بروسیلا ئەبۆرتەس Brucella abortus ی دروس بۆنە بەعزی جاریچ
بەکتریاو " actinomyces bovis " بەهامکاری مفتەوەری"parasites " یام هورکاری فیزیکی پێسەو فشارو کۆپانەکیٛ ،
یام نەقیزەدای ،هەر دایوەنێوە بۆ بە بایسو زەخمین کەردەی دلیٛشانەی ئتر بەکتریاکەیچ ملۆنە یاگە
زەخمینەکیٛێ و نەوەشیەکە "کیسەکە "دروس بوٙنە .
بەکتریا و بروسێلا ئەبۆرتەسی ” Brucella abortus"
تایبەن بە "بەروستەی" گاویٛ،
یانی مەشوٙ ئی ئەسپە یام هەسەرە یام هەر ،پیٛوەرە چەنی گاویٛ ژیوا یەک
"کاڵگە" یام گەوڕەنە، ئەگەر نزیکیٛ با جەیۆی کەوتەیۆ نەوەشیەکەی
زیاتەرا، هەرپاسە ئی بەکتریا دلیٛ "مەی و بزی"نە هەن ،کریۆ چادیشاچەو
فاڕیوٙوە پەی هەرو هەسەری و ئەسپی .
بەکتریا و بروسیلا ئەبورتەسی توشو بەشەریچ بوٙنە نەوەشی "یاو و ماڵتەی" malta fever"
وزۆوە، هەرچن بەکتریاو برۆسیلاو بزیٛ هورکاری
سەرەکین وەلێ ئیٛدیچ متاووٙ نەوەشما وزوٙ .
هەڵبەت ناسور یانی دروس بیەی کاناڵێوە "کیسێوە" دلیٛ لاشەو
ئەسپەکەینە پەی بەرو لاشەیش ،نزیکا جە بڕبڕەکاو دلیٛ شانەی، چی کیسەنە هەو و کیٛم مێ جبەر، بە نەوەشیێوە دریٛژخواین chronic هەژمار کریوٙ، یانی وەختی
فرەش گەرەکا هەتا نەوەشیەکە بەر گنوٙ و چارەسەر کریوٙ.
نیشانیٛ نەوەشیەکەی: دلیٛ شانەو
ئەسپەکەی ماسوٙ هەووکیٛم مێرە واری ،ئازارێوە فرێش هەنە، یاوش هەن، ئاژەڵەکە شەل
بوٙنە، هازیش مەمەنوٙ،ئتر باربەردەیش مەحاڵا.
پاریٛزنای
ئەسپو هەسەری جە نەوەشیەکەی: مەشو وریاو هاگادریٛ بیمی هەرگیز دلیٛشانە
زەخمین نەکەرمیٛ، جیا کەردەیەو ئەسپی نەوەشی جە ساقەکا، مەشۆ زەخمەکەش پاک کریوٙوە
بە وریایوە، نەلەوەڕنای ئەسپی دلیٛ کاڵگێوەنە"یاگێوەنە " هەکە گاوەی
نەوەشەو بەروستێش جەنە بیێبوٙ ، مەر دماو یەرێ مانگا.
دەرمانو چارەسەرکەردەی: فرە گرانا ،چون مایکەو
نەوەشیەکەی فرە ئینا قوڵایینە لوانەرە نزیکو بڕبڕەکا مورەو مازی،وەلێ ئەگەر زوو
پەنەش بزانی "دژە ژیوای antibiotic " خاسا پەی وەش بیەیۆ، یام بە
نەشتەرگەری هورشکڵاشیو کیسەکەی لابەری ، هەرپاسە کوای "واکسن" هەن پەی ئی نەوەشیە متاوی بەکارش باری تایبە
هنو بروسیلای.
د.ناجح گوڵپی
پزیشکو ڤیٛترنەری 28/10/17 هەورامان
.JPG)
