مەسەلیٛ هەورامییٛ .....تڕ

1.      تڕ ئاما ،پاوەرێوە مەمدروٙ : بەعزێ هەرمانێ و مەیا وەەرۆ دەسەڵاتو کەسیشا مەمەڕیۆ ملەرە  پەرچیٛ مەدریاوە و دەسەنە بەر مشا.

2.      تڕلەو ویٛمو تسلەو ویٛم : سەرەت کز کەری پەی ویٛت یانەو ویٛتەنە هەقو هیچیت نەبۆنە،دنیا ئاوی بەرۆش فیفییٛت بێ وەنە.

3.      بەهانیٛ تڕی نانی یەوینا : وەختێنە هەرمانێ ناجۆرە کەری یان دەستەنە بەرمشوٙ  کەریش خەتاو فڵانە چیٛوی ، ماچی خەتاو فڵانە کەسی بیٛ پەوکای پاسەم سەرئاما .

4.      تڕیٛشا بڕی : یاگیٛ ویٛشەنە سەرکوتشا کەردو هەرمانەکیٛش پەکەش کەوتە

5.      تڕان دمو هەریرە : یانی ئاوڕوش شی، هەرمانەکیٛش قۆڕە بیٛ و ئاماوە چیٛرو سفری

6.      تڕ زل: بەکەسێ ماچا هەکە ویٛش بە زل زانۆ ، لوتە بەرز

7.      تڕیٛش بە پیک مەمەڕیا: یانی کەسێ ویٛ بەزل زان

8.      تریٛش لوێنیٛ و تسیٛش مەنیٛنیٛ : کەسێ یام دژمنەکەیت ،وەرانوەرکەیت جە کیٛوەڵکیٛنە بەزنی و خەریکبوٙ تەمام تەختو زەمینیش کەری ،ئاننە قەوەتش پەنە نەمەنبۆ ،ماچا تڕیٛش لوێنیٛ، تسیٛش مەنیٛنیٛ .

9.       ئی تڕکەڵەکە سەر نمەگیٛروٙ : هەرمانیٛ بیٛسەرو وەریٛ،هەرمانو کاری فشوٙڵ و ناهیٛقم ،گۆترەیە، سەر نمەگیٛرا.

10.  تڕیٛش نمازا تسیٛش بەربشا  :کەسێوە وێش بەقۆزبزانۆ، بە فیز بلۆ سەرو  زەمینیرە ،لوتەش پەی عاسمانی بڎیوٙ .

11.  تڕیٛ زلیٛو قننەی هاڵیە: بەکسێوە هیچ نەزانی و کەم دسی و نەداری ماچا ،هیچش نیا کەچی فرە عەزەمەتش زلا و ویٛش بە زل مزانوٙ .

12.  تڕێ چیاش پەی ئاستۆ: یانی هەرمانەکیٛش پەنەکەرد،پەننە کیٛش پەنەدا و هیچ هەقیچش نەبی سەرۆ،کابرای داماگ هیچش دەسگیر نەبی.

13.  تڕبڕو قسەکەری قسە نەکەردەیا : وەختێ کەسێوە قسیٛ تاڵیٛ و ناشیرینیٛ وەراوەرت کەروٙ خاستەر پاسەن جوابش نەدەیەو.

14.  تڕ کەنوٙ پەرزەوانش مدوٙ وەر: بە کسێوە زەزیلو چەکلی ماچا

15.  توٙکڵ و تڕی گیٛروٙوە: یام توٙکڵو تسی گیٛروٙوە، کەسێوە رژدو چەکل

16.  تڕ حێو: وەختێ هەرمانیٛ  بە لارو ویٛری کەرا، یام کوٙشی هەرمانێوە کەری وەلیٛ نەتاوی،ماچات پەنە تڕ حێو.

17.  تڕو دماییش داوە: یانی فرە مانیانو ئتر هیچش پەنەمەکریوٙ تەوناش نەمەنەن.

18.   پیٛسەو تڕو بنەو گومیٛ لوا: کەسێ یام چیٛوێ بیٛسەروشوٙن بلوٙ و گم بوٙنە

19.   تڕوٙ ئیجا عننە فشاروٙ :  هەرمانەکیٛ دەسشەنە بەرمشوٙ ئیجا ویرش گنۆوە

20.  دماو تڕیٛ خەمشیٛ بڕی  : دماو تڕای عننە فشارای

21.   پەڕو تڕات قاچیٛ کیٛشەرە : یانی ئیسراحەتو ویٛت هورگیٛرە

22.  بە تڕیٛ حمام گەرم مەکریوٙ : یانی گرد هەرمانێوە  دەسینەو پەنەوازو ویٛش گەرەکشا هەتا  پۆڕنیش.

23.  پیٛسە هەری تڕوٙ : یانی کەسێ بیٛئەقڵو قسە نەزان، قسەکیٛش یاگیٛ نەگیٛرا.

24.  ڕەگو تڕاش گیٛرتەن: یانی یاگێوە هەستیارەش کەوتیٛنە دەسو دژمنەکەیش ،نەیارەکەیش، ئتر جوڵەش بڕیەن .

د.ناجح گوڵپی  16/10/2017