شیٛخ شەهابەدین کوڕو شیٛخ
ڕەزاو کاکوٙزەکەریای، ساڵەو "1003 پەیڎا بیەنو 1072 کوٙچی مانگی "
" 1594 -1661 زاینی " دەگاو
کاکۆزەکەریاینە مەردەنو ئەسپەردەو خاکی کریان .
کتیٙبو "مەشاهیری
کورد" بەرگی یەکەمەنە ئامان ماچوٙ شیٛخ شەهابەدین جیا چامنەی کە ڕابەرێ
ڕیٛوازو نەقشبەندی بیەن ناوچەکەنە ، عارفێ پایەبەرزو شاعیٛرێ هەست ناسک بیەن،
وەلێم باوڕ نمەکەرو هەکە شیٛخ شەهاب ڕابەرێوە تەریقەو نەقشبەندی بیەبوٙ چون تەریەقەو
نەقشبەندی مەولانا خالیدی شارەزووری ئاردێنە کوردسان، مەولانا خالید ساڵەو
"1193 کوٙچی مانگی" پەیڎا بیەن و ئینەیچ یاگیٛ سەرنجداین .
جە ڕوانگەو شیٛعریٛوە ئەگەر
باوڕ بە صەیدی یوەمی بوٙنە ،تاومیٛ واچمیٛ دماو صەیدی، شیٛخ شەهابەدین بە تەنیا کەسێ دەسنیشان کریوٙ کەتاوانش شیٛعریٛ عەروزی بەزوانی هەورامی خوڵقنوٙ، ئەگەر
بە پەیلوای بەعزی کەسیٛ تەری هەکە صەیدی یوەمی ڕەڎ کەراوە ،ئانە شیٛخ شەهابەدین بە ئەرەنیارو ئاردەینەو
شیٛعرەو عەروزی هەورامی حەساب کریوٙ.
هەرچنڎ فرە واتیٛ عەرەبییٛو
فارسیش دلیٛ شیٛعرەکاشەنە هەنیٛ وەلیٛ جە جوانی ومتەیرەی شیٛعریٛنە فرە وە تەواناو
دەسەڵات بیەن.
من باوڕم نیەن کەسایەتیێوە وە
تەوانا چی ویارەنە تەنیا خاوەندو چنڎ پارچە شیٛعریٛوە بوٙ کە سەرچەمەکانە بە
نیمەچڵ چاپیٛ کریێنیٛ ،یام بەیازەکانە دەسم کەوتیٛنیٛ ، هەرچی بوٙ من ئانیٛ دەسم
کەوتیٛنیٛ چیٛگەنە منویسوشاوە ،یوەم شیٛعر بە نامیٛ موسڵمانا دەسخەتی کوٙنەنە ساڵەو 1283 کوٙچی مانگی "1866 زاینی " بەدەسو محمەد ئەمین نامێوە نویسێنەو.
شیٛعریٛ عەروزی پەنج خشتەکی ،
و دە بڕگەییو جوانکاری بە واتە"واژە"
و ویاری ئەدەبی دلیٛ شیٛعرەکا شیٛخ
شەهابەدینینە بە زەریفی وینیا .
کتیٛبو کەشکۆڵی
شاعیرانی هەورامانی نویستەی حەمەڕەشید
ئەمینی
هوٙرگیٛڵنای :
د.ناجح گوڵپی 18/10/2017
ئەگەر چینەن ئەگەر ماچین
نەدەورش لەشکرەن چین چین
سپای هیٛندی چەنی زەنگی
حەسارش دان بە سەد پەرچین
