مەسەلیٛ هەورامییٛ...ئەسپ

واتەو وەڵینا (مەسەلیٛ هەورامییٛ ) ...ئەسپ

1.     ئەسپی نەسنیاو ئاوڕەی بینیێ: دنیای خەیاڵ پڵاوە، هەڵای هیچ نەبیەن بەخەیاڵ گرد چیٛوش تەمامنان، بیٛ ئانەی تواناش بوٙ ئەسپ بسانوٙ ئاخوڕەش بەستیٛنە

2.     ئەسپو خەڵاتین ،یام ئەسپی خەڵاتی تەماشەو دەمیش مەکرا: چیٛوێ بە خەڵات و دیاری بێ پەیت عەیبا تەماشەش کەری، وروئانەی ماچی جە دەسیتا زیاڎ بوٙ.

3.     ئەسپم خۆ چل مەن مەوەرۆ: یانی گوٙشم نیا چەنە ویٛم تاقەنا ، خوٙ ئەسپم نیا تاچل مەنیٛ بوەروٙ، خەرجم فرە کەما.

4.     ئەسپ وێش دانو وێش زیاد کەرۆ: گرکەس ئەگەر هەرمانەی خاسە کەروٙ ،دەس وەشیش وەنە کەرا، پوڵی خاس گیٛروٙ، ئەسپیچ هەرمانەی خاسە کەروٙ دانەی خاسەش مڎا

5.     وەیوە سەرو ئەسپیوە گێڵۆوە : یانی گرد هەرمانێ پەیش هەن ئەگەر دما وەختو کوٙتایچشەنە بۆ سەرنەگیٛرۆ، هەر پیٛسەو وەیویٛ وەختی بەراش ئەگەر یاوێبۆ دلیٛ بەرو یانەو زەمای ڕەنگا گیٛڵوٙوە.

6.     ئەسپ سوارو ویش مشناسۆوە : گرد هەرمانیٛ کەسی شارەزاو بە تواناو چەنەئاماش گەرەکا، پیٛسەو سواری ئەسپی هەکە گرکەس چەنەش نمێ و مەزانۆ سوارو ئەسپی بوٙنە

7.     ئەسپی ناڵیٛ کەریٛنیٛ،ھەریچ سمیٛش بەرزیٛ کەریوە واچێ منیچ : مەبەس بەخیٛڵی بەردەیا، ئەر کەسێوە خەلات کریۆ بە نونگەو خاسیو چەنەئامیەووٙکەسانیٛ تەریٛ بشقابلیەتیٛ ماچا ئەی ئیٛمە؟

8.     ئەسپێ گەڕ  خاسا تا گەوڕێ ھەریٛ: یانی هەمیشە هەر ئەسپ خاس بیەن هەتا گەورێ هەریٛ،یەک کەسی زاناو خزمەتکارو نیشتگای  فرە خاستەرا تا چن کەسێ بێ ئەقڵێو نەزان هەرمانیٛ.  

9.     ئەسپە چوینە : یانی کەسیوە فرە ڕەقو تەق بوٙ هیچ گۆشت نەبوٙ لاشەشۆ .

10.                        ئەسپ بە پیخام ئاوی نمەوەروٙ:  یانی بە قسێ دوورۆ ئەسپەکە ئاوی مەوەرۆ ئەشۆ بلی وەرۆ و بەدەسو وێت ئاویش پەی بنیەیرە، ماناش ئانێنە هەرمانە ئەشوٙ بەدەسو ویٛت کەریش نەک تەمادارو خەڵکی تەری بی، بەعزێ جاریٛ  ماچا ئەسپش بە پیٛخام ئاوی موەروٙ، کەسێ دەسەلاتدار  بەیەک قسە  فەرمانە مدۆ و هەرمانەکیش پەی پۆڕنا.

د.ناجح گوڵپی 29/9/2017