مەزانو دەنگ بە چېشیتا دەو
بە دزیو تاڵانی،یام باڵەخانە بەرزەکاتا ،
یام بە نۆکەریتا پەی ئێڎو ئەوی ،یام بە
بازرگانیتا چنی داعشی، یام بە بیرە نەوتەکاتا یام بو بۆریە نەوتەکاتا و ڕیزو تەنکەرە نەوتەکاتا ھەکە یاوا ئەفگانستان.
یام بە پەرلەمانی بەزۆر وزیارەیما ،یام بە زۆر
کیاستەیۆ یانەی وەزیرەکاتا
دڵم بەچێشیتا وەشبۆ ویسو شش سالێن،
نەتاواتا دەستورێ بنیەدێرە، نەتاوتا ھێزێ
یەکانگیرتا بۆ، ئیسەیچ مەتاودێ فەردێ گەنمێ ھۊرگێردۍ پەی تەنگانەی ، ھەر خەریکو پەلکێشتەو داگیرکەرا بیەدێ پەی دلێنە
بەردەی یۆترینی.. پەی کورسی ، یۆترینتا قەلە پاجە کەردو دڵو دوژمناتا وەش کەرد.
ویسوشش سالێن
نەتاوانتا ویسوشش کەسێ بێگانۍ
کەردێ دۆسێ میلەتەکەیتا، ویرێ کەردێ با مەژگتا تەقۆ چی گردو دنیای دژتانە چی
ھەرمانێتانە، تەنانەت یەک دەولەتیچ ھامکارو ھام ڕاتا نیا.
دڵم بە چێشیتا وەش بۆ، بە ڕیزو یانەنشینی وەزیرە
ناوەزیرەکاتا یام بنە دیوارەکاتا،یام کۆنە
بەعسیەکاتا، یام دزیەو قوتو خەڵکی!!
دڵم بەچێشی وەشبۆ، بە مووچە فرەکەو
جاشەکاتا کە پێشمەرگێشا شەھیدێ کەردی و
شمەیچ پەی پاریزنای قنێتا سەرو کورسیوە کەردیتا کەڵەگاو ملو یانەوەی شەھیدارە.
دڵم بەجێشیتا وەش بۆ ،پانەی کۆنە بەعسیێو ئەنفالچێتا کەرد وەزیرو
دادی، چاوەختۆ کە یاساو داد چی وەلاتەنە
بارش کەردەن!!!
دڵم بەجێشیتا وەشبۆ؟ بە جڕتو فڕتو ئیتلاعاتی و
سەربازگەکا تورکی دلێ کوردسانینە !!!
دڵـم بەچێشیتا وەشبۆ؟ بە پارێزنای تاوانبارا
ئەنفالی و ھەلەبجەی و ..وو..و
دڵم بەچێشیتا وەشبۆ ؟ بە کۆشکو ۋیلاکاتا کە بە
دزیەو زەڕو ئی وەلاتیە جە ئەمریکاو پاریسو ئەوروپانە ئەسێنېتا!!!
دڵم بەچێشیتا وەش بۊ؟ پانە خەڵك داواو قوتی کەرێ شمە واچێندێ پەی
وێتا ھەر ورپڕدی!!
دماجار ماچو
ئننەو تاوانەکاتا وەرانوەرو خەڵکو کوردسانی نەفرەتتا وەنە بۆ
ئیسا
وینو ھەکە پێسەو نیم سەدە چێوەڵتەری بێکەسێنمێ گرەوەم مێ..
پەی بێ کەسیماو بێ پەشتیوانیما، وەرو خاترەو
ونەو شەھیدەکام ئیجاریچ بەلێ کەرو
پەی راپەرسی
بەڵۍ ...بەڵێ پەی بێ کەسی وێما
نەفرەت و سەرەمڕە نەفرەت پەی وێتاو ھەرماناتا
دڵتا وەش نەکەردێ ھەرگیز پاکێ مەبیدێ وەرەچەمو
فکرو خەڵکو کارەسات بارو کوردەسانیوە
د.ناجح
گوڵپی 24/9/2017
