خەپلۍ پەتڵەی (خەپلە ساوەرۍ )
خەڵکو ئەوسای جۆرەھا واردېش وەشێ کەردێنێ و پەی تێڕکەردەو لەمێش واردێنێش، ئیجارە
باسو خەپلۍ پەتڵەی (ساوەر) ی کەرو، دماو
ئانەی گەنمی گرینی و وشکێ باوە ، جاران بە
ھارۍ ھاڕینێش وەلێ ئیسەتۍ بە ئاساوی برقی
ھاڕیۊ، دماو ھاڕایش پاکش کەری
ساوەرکەی کێشی وا پوشە کېش وا بەرۆشا، تەنانەت
ئەوسا پوشەکایچ کەرێنێ سەرنگا، یام
دېنېشا ئاژەڵی ، دماو ئانەی ساوەرکە
پاک بیوە، ھەمدیسان وردە ساوەرەکەی
جیا کەریوە چەنی ھاردە ساوەرەکا و ساوەرە دشتەکەی، ئادیچ بە وێتەیش بە
ھێڵکەی تایبێ ، وەردە ساوەرکەی کەری چاشتەو
شلەساوەری بەگۆشتو بۍ گوشت متاوی بنیەیش سەر چەرمە و چەنی ڕبی ، ساوەرە
دشتەکەیچ پەی ساوەرینی (پەتڵەینە ) ساوەری
سور ،ساوەری چەرمە.
ھاردە ساوەرکۍ جاران کەرېڼیشا خەپلە ساوەرۍ (خەپلۍ پەتڵەی) ، ھاردە ساوەرکا
کەری ئاوی نزیکەو یەرۍسەعاتا ، زەریف فیسیا و ئتر شیلیشا تا پێسەو ھەمیری یۆگیرا ،
متاویچ کەمێ ھاردیشا تێکەڵ کەری تا خاستەر لکا، ئتر گونکشا وەنە گېری و پانێشا
کەریوە مدەیشا سەروساجیرە ،ئیدیمو
ئەودیمېشا کەری تا زەریف برېژیا، ھەرپاسە
متاوی پیازی وشکشا چنی تېکەڵ کەری تامو لەزەتێ تایبەشا مدۆ پەنە، وەلێ ئەر پیازشا
کەری مەشۆ زوو بوەریشا،چون جەڕووێ زیاتەری مەناوە بە پیازۆ تامشا خراپیۆ،
بەھەرحاڵ خەپلێ بێ پیازێچ مەشۆ ماوەو یەک
ڕۆینە وریا ئننا مەناوە وردە وردەی تامشا خراپیۆ.
بەیادو جارا
د.ناجح گوڵپی 24/9/2017
