کۆنیشتو خەسارشناسی فەرهەنگو هەورامانی جە شارو سنەی لوا ڕاوە

رۆ پەنجشەمەی (23/6/1396 وەراوەو 14/9/2017 ) جە دانشگاو پەیامو نورو شارو سنەی کۆنیشتو خەسار شناسی فەرهەنگو هەورامی ساز کریا ، جەلاو مەڵبەندو ڕۆشنویری قەڵەموو هەورامانیوە بەهامکاری کۆمەڵێ  جە نویسەرا و شاعێراو پەیجۆرکارا ،هورسوڕیایاو فەرهەنگو هەورامانی  جە شارەکاو ئوستانو کوردسانیو کرماشانی " سنە،پاوە، مەریوان،سەولاوا،هەورامان،جوانڕۆ،ڕوانسەر،نۆتشە،نەوسودە " زاغمەرزو مازندەرانو  تارانو کەرەج، دلێ ساڵۆنەو دانشگاینە ، کە ماوەی یەک ڕۆیش خواینا.

هۆرکارو بەستەو ئی کۆنیشتیە بە خاترەو ئەشناسای ئا خەسارانە کە توشوو فەرهەنگو هەورامانی ئامێنێ چێوەڵ، وەستەیشا ڕوە و باس کەردەیشا  ڕاوەشکەرۆ تا وردەوردە فەرهەنگو ئەدەبیاتو هەورامانی بێەوە توغیانو جارانی و ژوژیۆوە.

ئی کۆنیشتە ماوە شش مانگان ئامادەکاریش پەی کریان ،چنو دەسگرۆیی کۆمەڵێ جە هەورامی دۆسا،  بابەتەکێ کۆنیشتی جە نۆ تەوەرا پێک ئامێنێ   دماو ئانەی لیژنەو دادوەری و هۆرسەنگنای نیشتێرەو نۆ پەیجۆریشا هۆرچنێی و پێشکەشو حازریاشا کەردی .

1.      دنیاو مەجازی فەرهەنگو هەورامانی

2.      کاریگەری گەشتیاری سەرو فەرهەنگو هەورامانی

3.      گۆرانیێ هەورامیێ و فەرهەنگو هەورامانی

4.      شیعرێ هەورامیێ و فەرهەنگو هەورامانی

5.      هەرمانەی دەسیەو هەورامانی جەدنیاو ئارۆینە

6.      زوانو فەرهەنگو هەورامانی جە دنیاو ئارۆینە

7.      نەخشو  ژەنا جە پاریزنای فەرهەنگو هەورامانینە

8.      هەمیەتو پاریزناو ژیوگەو هەورامانی

9.      کاریگەری ئابوریو فەرهەنگی سەرویۆترینیوە

پەی ئی کۆنیشتیە  پەنجاوشش پەیجۆرکارو نویسەر بەشداریشا کەردەن بە مەقالەکاشا، وەلێ تەنیا 9 پەیجۆریی پەخشکریێ، 20 شاعێریچ  شیعریشا نویستێبێنی، وەلێ هەشت کەسێشا شیعرەکیشا دلێ کۆنیشتەکەینە پێشکەشوو بەشدارا کەردە.

کۆتا بەش ڕیز گیریا ئەو پەیجۆرکاراو  شاعیراو کۆنیشتەکەی .

 منیچ لاو وێمۆ  زەریفتەرین و بۆ وەشتەرین سڵامو موبارەکبایی پەی  کۆنیشتو خەسار شناسی فەرهەنگو هەورامانی کیانو، چنو هومیدو بەردەوامی و سەرکەوتەی .

د.انجح گوڵپی 15/9/2017 هەورامان