کتێبوو کۆنفرانسوو ھەورامان ئەشناسی چێروو چاپینە بەرشی

کتێبوو کۆنفرانسوو ھەورامان ئەشناسی چێروو چاپینە بەرشی

ئارۆ یەکشەممە  6/8/2107  کتێبوو  کۆنفرانسوو ھەورامان ئەشناسی چێرو چاپینە بەرشی،  قەوارە  24*17  و 230  لاپەڕێن ، ئی کتێبە جەمەو کەردەو پەیجۆریەکا کۆنفرانسو ھەورامان ئەشناسیا کە جە وەھارو ئیساڵی  پارێزگاو ھەڵەبجەی بەسیا.

چی کتێبەنە سەربارو وەڵێنەی و واتەو دەسەوڕاوەبەرو کۆنفرانسی و واتەو دمایی کۆنفرانسی  نۆزدە پەیجۆریێ گێڕۆ وێ، چنی یەرێ وتارا ، پی جۆرە کە وارۆ منویسمێشا:

تەوەرو یوەمی: ویەردەو (مێژوو) ھەورامانی:  چی تەوەرەنە  چوار پەیجۆرکارێ بەشدارێنێ

1.      مامۆسا عەبدولا شیخ سەعید سەرگەتی بە پەیجۆرو "بەڵگە نامەکێ ھەورامانی "

2.      پەیجۆرکارو نویسەر حمەرەشید ئەمینی  بە پەیجۆر "ئەدەبو ھەورامانی جە ویەردەی دوورو نزیکەنە"

3.      بەڕێز حەسەن سەلیمی عەبدولمەلیکی  جە ھەورامیەکا مازیندەرانی بە پەیجۆرو "تاریخو ئەدەبیاتو عەبدولمەلیکی "

4.      بەڕیز حامی نیکبەخت ھەورامی عەبدولمەلیکی بە  سیاوجەمانەی ئەولمەلیکی ھەورامی و کۆمەلێ ھۆنیێ و واتەو وەڵینا ھەورامیە ئەولمەلیکیەکا.

تەوەرەو دوومی: ژەنی جەھەورامان  بە  دووێ پەیجۆریێ :

1.      ژەنی ھەورامانی :  نویسەرو چالاکوانەو ویارەو فەرھەنگو ھەورامانی و لیسانسو ڕەوانشناسی  "نەرمین گیوەچی " بەشداریش کەردەن.

2.      تایبەت مەندیێ شیعرەو ژەناو ھەورامانی ( بەوەرەچەم گرتەی دەقە شیعریەکا جەھان ئارای پاوەی ) بە بەشداری مەھین کەریمی “ کارشناس ئەرشەدەو ئەدەبیاتو فارسی ".

تەوەرەو یەرەمی :  هونەر جەهەورامان:  یەک پەیجۆری بەشدار بێ جەلاو بەڕیز وەلی فەتاحی بەنامێ " گۆرانیەی هەورامیە بەشێوی ئەساسی جە فۆلکلۆرو خەڵکو هەورامانی "

تەوەرەو چوارەمی : وێ ژیونای جە هەورامان : یەک پەیجۆری بەشداریش کەردەن جەلاو بەڕێز "مۆمن هەجیجی"وە بەنامێ  "ئەوەجە نەکەوتەی ئەوکەسی جە هەورامانەنە" .

تەوەرو پەنجەمی : زوانی ئەڎایی : یەرێ پەیجۆرێ بەشداریشا کەرد:

1.      د.مەھدی سەجادی /دکتراو زوان ئەشناسی :  بە پەیجۆرو  "ھەورامی زوانێوی جیا"

2.      موھندس سەباح جەباری /ڕێخەشناسی زوانی ھەورامیو زوانە پەیرەکا بە پەیجۆرو " زوانی ھەورامی ،ویەردەو ئارۆش "

3.      فھمی مرادی /نویسەر ،بە پەیجۆرو "وانای بە زوانی ئەڎایی"

تەوەرەو ششەمی: ئەندازیاری جە ھەورامان: یەک پەیجۆری بەشدریشکەرد جەلاو " موھەندس فەریبورز موسازادە (شوان)  بەنامێ  تەلار سازی جە ھەورامانەنە.

تەوەرەو حەوتەمی : یەک پەیجۆری بەشدر بێ جەلاو  ڕەفعەت مورادی وە بە نامو نیشانو " زوانو ئەڎایی ئامیانو یۆگرتەی نەتەوەی "

تەوەرەو ھەشتەمی : ئاین جەھەورامان : یەرێ پەیجۆریێی بەشدارێنێ:

1.      تەیب تاھیری کاکەیی/ نویسەرو پەیجۆرکار بە پەیجۆرو "ئاین لەھەورامان "

2.      ئیبراھیم مەیکە عەلی /نویسەر  بە پەیجۆرو "نا تننو تیژی ئاینی دلێ عورفو عادەتو ھەورامانینە "

3.      سەفەر کەریم ھاواری /نویسەر بە پەیجۆرو "ئیشارەتێوە پەی یارسانەکاو ھەورامانو لھۆنی "

تەوەرەی نۆھەم: نەبیەی میدیای ھەورامی : یەک پەیجۆری بەشدار بێ جە لاو  ئسماعیل حاجی زەڵمی /ماستەر و ڕاگەناندنی  بەنامێ" شوناسو ھەورامی دلێ راگەیاندنی کوردینە،گۆرانی ھەورامیۍ بەنمونە "

تەوەرەو دەھەمی: ئەدەب جەھەورامان : یەک پەیجۆرو  بەڕیز عادل محەمەد پوور ی، بەنامێ "شێعرەو ئەوساو ئیسەو ھەورامی و بەراوردکاریێ ئەدەبی"

تەوەرەو یانزەھەمی : ژینگەوھەورامانی : یەک پەیجۆری جەلاو  دکتر سەید موختار ھاشمی  بەنامی " بەرەو ژیۆپارکی ھەورامان ،میراتێکی بەنرخی جیھانی لەبواری زەوین ناسیو کەلتوری و سروشتیەوە ".

چنی وتاریوە بەڕیز فەرید ئەسەسەردی  بەنامێ "ھەورامی زوانێکی سەربەخۆ" شۆنەو ئانەیچەرە دووێ وتارێ دکتر ناجح گوڵپی بەنامێ ،نونگەو بەستەو کۆنفرانسو ھەورامان ئەشناسی و  چنی کۆنفرانسێ سەرکەوتە بەسمێ وەڵا کریانەو.

سپاسو دەسوەشیما پەی قایمقامەو ھەڵەبجەی کە ئەرکو چاپ کەردەیش کێشا.

ونارای و دیزاین: هیوا مەحمود

گلیرۆ کەردەی و لوایەو پۆرەیش: دکتۆر ناجح گوڵپی

 نویستە ئی ھەواڵی: دکتر ناجح گوڵپی 8/6/2017