دەس....با زوانەکەما ویر نەشۆوە

دەس  .............. با  زوانەکەما  ویر نەشۆوە

1.      دەسە بەش  : یانی دابەش بیەی پەی دووێ تیما یام زیاتەر

2.      دەسەو ورپرای:  تاقمە هورپرای  یام گروپ

3.      دەسە تەوەر : دەسە خاکەناز...کلکە تەوەر کلکە خاکەناز

4.      دەسەک : هێزمی  نزیکەو مەترێ درێژ بۆ و پەڕ دەس

5.      دەساندەس: ئیدەسو ئەودەس،،یانی  دووێ لایی کەشی وەرانوەرو یۆتیرنین

6.       دەسە ،دەسێ وەزی : یانی پەرو هەردوی چنگات وەزی  دە دنێ

7.      دەسمال : دەسەسڕ

8.      دەسەوانە : دەسکیش

9.      دەسەدۆڵ  : پەی کوای گەنم و  پەتڵەی

10.   دەس هاڕ:  هارە، گەنم هارای بەهارە

11.   دەس پیس : یانی دز

12.   دەسپاک .. ئەمین ،پیاخاس دزی مەکەرۆ

13.   دەس بەدامان: یانی تکاو ڕجات وەنەکەرو

14.   دەس وەش: جیاتی سپاس گوزاری

15.   دەس گەوج:  کەسێ دەسش راس نەبۆ نیشانی نەپیکۆ

16.   دەس راس: نیشانی خاس پیکۆ

17.   دەسەمؤ: گیانەورێ بە ئاسانی گیریش و دلێ دەساتەنە نیشۆ

18.   دەس چڵاک:کەسێ دەسیش نەمدرا هەر یاگێ یاوۆ نەمۆ چیوی و ورشگێرو منیۆرە، دەسیش جوڵیا

19.   دەسومشت: یانی تۆقە کەردەی

20.   دەسو دیم: دەسو پلو چروجەم شتەی پەی وەختو نمێ

21.   دەسەوام: هەرمانکەردەی پەی یۆترینی ،ئارۆ منملو یاردی ڕهامساکەیم و سەوای ئادیچ میوە یاردیم

22.   دەسوپل : دەسو پەنجەو گلک و مەچەک

23.   دەسبار: وەختو بارکەردینە  یاردیش دەی تا بارەکەی وزۆ سەرو وەلاخەکەی

24.    دەس پەنەکەردەی: ئەوەلو گرد هەرمانێ

25.   دەس ئاستەی : وازئاردەی یەکجاری جەهەرمانیوە ،جە وەزیفەی

26.    دەس هورگرتەی: وەختی هەرمانە تەمامیۆ

27.   دەسلوای: یانی کەسێ دەسەلاتش بۆنە گرد یاگێنە هەرمانەش ویەرۆ

28.   دەسەلات: حوکمداری

29.   کەم دەس: نەدارو گەدا و نەبیە

30.   دەس ڕەنگین: کەسێ بتاڤو بە دەسێ چیو چنۆ و  وەشکەرۆ( تەردەس ) یچ هەن

31.   دەس کەلا:  ئا کەلانە کە تیلەش پەنە کەری

32.   دەسە وەرێ: جاشتێنە بە وڵۆشەو بایجانە سورلێ کریۆ ،،شلەنە  و بەدەس وریۆ

33.   دەس خەڕۆ: یانی دەس بڕیە و وەعدە خیلاف

34.   دەسبڕ: کەسێ کە بە وادەو بەلێنی پەشیمان بۆوە

35.   دەس کیسە: یانی فێڵ و تەڵکە،،بەدەسکیسەو فلانە کەسی دلێنە شی

36.   دەسو موچ:یانی دەس ماچ کەردەی وەختو تۆقەکەردەینە

37.   دەس مارایاۆ:  گەمیوەن دوێ کەسێ دەسو مشت مدا دەسویۆی هەرکامشا قەوەت بۆ ئەوی تەری ماڕۆوە

38.   دەسباز: ژەرژی یان هەر گیانەوەرێ لینی  هەکە گەمە کەرۆ چنی ساحیبەکەیش

39.   دەسبازی: گەمە کەردەی

40.   دەسرازە: دەسرازەو بێشکێ زاڕۆلەی پەی پێتەیۆش

41.   دەس بەند: یانی بازن و خڕخاڵ

42.   دەسەگیرێ: دوێ پارچە پەڕوێ وەشکریا پەی گێڕتەیۆ قابلەمەی گەرمی سەرو ئایریۆ تا دەسیما نەسۆچا

43.   دەس بەتال: بێ هەرمان

44.   دەسە قوڵت: دەسەو هەڵیز ژەنای

45.   دەسانە: شارەزایش هەن،دەسانێش هەنە

46.   دەساوە: چاشتیش وەشينە،چیو و دەسیش وەشا،دەسوەش وەشينە

47.   دەس نویس: نویستەی بەقەلەم سەرو کاخەزیوە

48.   یاگە دەس: یاگیوە  دەسش پۆگیری، کاریگەریش هەن

49.   دەسو پا :وێش وست ملو دەسو پایمەرە

50.   دەسە ملان: دەس کەردەی ملو یۆترینی

51.   دەسبەسەر: زینانی کەردەی، گیریان

52.   دەس بسیا:هیچش پەنە مەکریۆ.کەلەبجە کریان

53.   دەسەپاچە:  هیچش چنە نمێ،هیچ کارێش پنە مەکریۆ

54.   دەس مەڕیا: وەختێ کەسێ هەرمانێ خراپە کەرۆ  پنەشا ماجا دەسیت مەڕیا

55.   دەس وەڵا: یانی پەی خەرج کەردەی دەس بلاوا  و زەڕی فرە وەرۆ

56.   دەسەکەردەی:وەرێسەکی دەسە کەرە، یانی وەریسەکێ بەجۆرێ ڕێکە وزی و بەسیش

57.   دەسچن: هەرچیت گەرەک بۆ بەدڵو وێت هورش چنی

58.   دەسکەنە: یانی بەدەسێ هۆرش کەنی..دەسکەنەو نوەیا

59.   دەسشۆر: یاگێ دەس شتەی

60.   دەس بەدەس :  چن کەسێ بە ڕیز گەرەکشانە  چێوێ دەس بەدەس و یۆی یاوانا یاگێ تەر

61.   دەسو پەنجە: دەسو پەنجەش زەریفا

62.   دەسگرتەی: ئەوەڵ شەو و وەیوێ و زەمای .زەما  دەس وەیۆگیرۆ

63.   دەس گێرتەی: بەڕیز دەسو یۆترینی گیرا پەی هۆرپرای

64.   دەس ماشنای: دەست بەرێ یاگێوەرە کۆرانە گێڵینیش پەی ئیستەیۆ چیوێ

65.   دەسئاردەی:  دەست ماریوە دما

66.   دەسە بەردەی: دەست بەری پەی چێوێ

67.   دەس گرتەی ملەرە: داگیرکەردەی

68.   دەسکێشنای: ئاماژە و ئیشارە کەری پەی یاگیوە

69.   دەسکێشتەی:  دەسو یۆی کێشی شۆنەو وێتەرە

70.   دەسئاردەی پۆرە:  مازی شێلتەی دەسش ماری پۆرە

71.   دەسپۆگرتەی: خەرجی کەم کەریوەو بە ڕێکو پێکی خەرجش کەری،یان وەختی مدریرە دەس گیری یاگیوە

72.   دەسەو یەخە: وەرانوەرو یۆی مدرا و دەس بدا یەخی یۆترینی
73-دەسگیرانە  : گەنجی دماو ئانەی هیجبی کناچێش پەی کەراو مارەش برا بۆ بە دەسگیرانەش
74- دەسگێڵ: کەسێ چیو ورەشۆ وەختێنە نیشانەشبدۆ بە دەسیش،،یانی دایمی نیا

د.ناجح گوڵپی 22/6/2017