کتېبو "یانەوەی
ھەورامانی وزوانی ھەورامی "
پەیجۊرکاریێوی
کۆمەڵئەژناسانەو زوانی ھەورامی ن ، نویسەر کورش ئەمینی نوتشەیی نویستەن بە قەوارەو
200 پەڕا،ئیساڵ بە بۊنەو ڕۆ جیھانی زوانی
ئەدایی (22/2/2017 ) بەرشیەن چێرو جاپینەو وەلا کریانۊ.
کتېبێ ڕەنگین وسەنگین بە سەرچەمۍ زانستیۍ ،یەکەم جارا کتېبی
چیمنە بەزوانی ھەورامی بەر بشۆ و شیکەردەیۆ زانستی کەرو سەرو زوانو فەرھەنگی جە
بارو ویەرینیو(مێژوو) وکۊمەڵئەژناسیو وسیاسی ،یاسایی ، ویارەکا تەریچنە.
نویسەر چی پەیجۆرینە گرنگی ھەرمان کەردەی پەی
فەرھەنگ و زوانی وزۊ ڕووە،شیش کەرۊوە تاچن شۊنە ما منیۊرە دلۍ نیشتگاینە، نیشانەش
مڎۊ کە زوانو فەرھەنگ یانی کۍ بیەی
(ھەویەت) ،دیامانی(دیدگا) تازېش ئاردنۍ ڕوە پەی پارېزنای زوانو فەرھەنگو ھەورامانی
،ڕات پەی ڕۆشن کەرۊوە کە چنی فەرھەنگەکەیت ژیونیۊ و نازی فۊتیۊ ھەر جەنویستەیو بە
دۊکیمېنت کەردەیو وێ سازنای چنی فەرھەنگەکا دەورووەریت، چون تا زوانما بۊ ئێمەیچ
ھەنمۍ.
شۊنەو ئانەیچەرە
پەیجۆرکار باسش کەردەن کە ھەورامی تائیسا
بە تاریخ ودەم واچی و بازێ سەرجەمێ وەلا کریێوەی قەدیمی مەنەنو وەرگەش گرتەن، وەلێ
مەشۆ چێولای بە نویستەی وانای ئی ھەرمانێ بلۆ وەرۆ ، بێ نویستەی ئینایمی خەتەرەنە
چون دەورو پەشتما نویستەیش ھەر فرەفرە جە ئێمە زیاتەرا تەقەلا دەیمێ نە پۆژنۊمارە.
نویسەر ویش یەکلای
کەردەنۊو سەلەمنانش کە مەشۆ ھەورامیەکی بە زوانو وێشا بنویسا ،پێچەوانەو بازێ
نویسەرا تەری کە ماچا ئێمە ئەگەر بەھەورامی بنویسمۍ کەس نیا بابەتەکەیما وانۊوە
یام وېشا بە کەم مزانا ئەگەر بەزوانەکەیشا بنویسا و ملا بە فارسی یام بە سۆرانی
منویسا.
چی پەیجۆریەنە ئێژایی
زوانی ھەورامی و زوانی ئەڎایی بەرکەوتەن،و
ڕاما نیشانە مڎۆ کە بە ھەورامی بنویسمێ وقسۍ کەرمی بەرھەمەکاما چاپ دەیمۍ،ھامشان و
زوانەکاتەرو ناوچەکەی بلمۍ ڕاوەو وێما چنی سەردەمی سازنمۍ.
سەربارو ئانەیچ
ڕەخنەو گلەیش ئاراستەو دەسەلاتی جە وەلاتو ئیرانینەو ھەرێمو کوردەسانینە کەردەن
،چون بە یاسا ئی مافە دریان وەلێ جێ بەجێ
نەکریان ، و ڕۆشڼش کەردەنۊ کە گەرشێلو فەرھەنگو زوانی پێچەوانەو گرد مافەکا
ئینسانی ڕێکوزیاو یۆنسکۆین کە گرنگی مڎۆ بەفەرھەنگی سەرو حاسو جیھانی...
دەسوەشی پەی کاک کورشی، ویروقەڵەمش ھەر تیژو بەکار بۊ
د.ناجح گوڵپی
6/5/2017
