کەنەدا تاوانەکانی داعش بە جینۆساید دەناسێنێ
کەناڵی تەلەفزیۆنی "گلۆباڵ نیوزی "
کەنەدی لە هەوالەکانی ڕۆژی پێنج شەممە رای گەیاند :
سەرۆکی کاتی پارتی پارێزگارانی کەنەدا "ڕونا
ئەمبرۆس rona ambrose " داوا دەکات لە
حکومەتی فیدراڵی کەندا تاوانەکانی داعش
دەرهەق بە کوردانی ئێزیدی و پێکهاتەکانی تری مەسیحی و شەبەک لە عێراق و سوریا بە جینۆساید بناسێنێ.
ڕۆژی پێنجشە ممە 9/6/2016 لەکۆبونەوەیەکدا سەرۆکی حزبی پارێزگاران ی بەرهەڵستکار پێشنیازێک
بۆ بە جینۆساید ناساندنی تاوانەکانی داعش
دژ بە کوردانی ئێزدی و مەسیحی و شەبەک و پێکهاتەکانی تری گەلانی عیراق و سوریا دەداتە پەرلەمانی کەنەدای فیدراڵ (
کۆمۆنس هاوس commons
house (
، لەدرێژەی وتەکانیدا ئاماژە دەکات بە تاوانەکانی داعش لە سوریاو عیراق،
بەتایبەت کوشتن و بێ سەروشوێنکردنی
کوردانی ئێزیدی و فرۆشتن و بە سەبایا
کردنیان، هەروەه ئاماژەی دا بە سوتاندنی نامرۆڤانەی نۆزدە کچی ئێزیدی کە جیهاد نیکاح و کۆیلەی سێکسیان ڕەت کردۆتەوە.
لە قسەکانیدا ئاماژەی بە پەرلەمانی بەریتانیا
و پەرلەمانی ئەوروپا دا کە تاوانەکانی داعشی بەجینۆساید ناساندوە ، و هیوای خواست
کە پەرلەمانی کەنەدا هاوشانی هاوپەیمانەکانی هەمان ڕێگا بگرێتە بەر بۆ بەجینۆساید
ناساندنی تاوانەکانی داعش لە عیراق و سوریا.
شایانی باسە پەرلەمانی کەندا پێشتر تاوانی
کیمیابارانی هەڵەبجەی بە تاوانی دژە مرۆڤایەتی ناساندوە .
پەرلەمانی کەنەدا پێک هاتوە لە سێ بەش "
مەلییک
qween ،
ئەنجومەنی پیرانsenate ،هاوس کۆمۆن house commons "
هەر هەمویان پێکەوە یاسا دائەرێژن بۆ وڵات، سەرەتا پێشنیازەکان بۆ داڕشتنی یاسا لە
هاوس کۆمۆن گفتوگۆی لێ ئەکرێ وپەسەند دەکرێ پاشان بۆ ئەنجومەنی پیران و ئینجا
مەلیک واژۆی دەکات، هاوس کۆمۆن پێک هاتوە لە 338 ئەندام کە نوێنەری هەرێمەکانن.
د.ناجح گوڵپی 11/6/2016
لینکی هەواڵکە http://globalnews.ca/video/2751258/rona-ambrose-to-calls-on-federal-government-to-label-isis-crimes-as-genocide/
