لە تاوانێکی تری کەم وێنەدا داعش 19 کچی کوردی ئێزیدی سوتاند

بەپێی هەوالەکان کە بلاو بۆتەوە لەراگەیاندنە نیوخۆیەکانی عیراقدا ، لەهەنگاوێکی تری تاوانکاریدا داعش هەستاوە بە سوتاندنی 19 کیژی کوردی ئێزیدی ،بەپێی هەوالەکان ئەو کیژانە کۆیلایەتی و خزمەکردنیان  بۆ چەکدارانی داعش ڕەت کردۆتەوە.

هەواڵدەری ئاژانسی نۆڤۆستی ڕوسی رای گەیاند لەزاری  مەکتەبی راگەیاندنی یەکێتی نیشتمانی کوردستانەوە ، کە داعش ڕۆژی یەک شەممە 5/6/2016  لە مەیدانێکی نێو شاری موسڵدا و لە ناو قەفەسی ئاسنیندا ئەو کیژانەی داناوەو ئاگری تێ بەرداون بە بەرچاوی خەڵکەوە بەشێوەیەکی زۆر نامرۆڤانەو دڕاندانە ئاگریان تێ بەرداون و سوتاون.

پێشتر چەکدارانی داعش ئەم جۆرە ئیعدامکردنەیان لەسەر فرۆکەوانە  ئوردنیەکە  جێ بەجێ کردوە لە مانگی شووباتی پار ساڵدا ، کە توڕەيی وبێزاریەکی زۆری نێو دەولەتی لێ کەوتەوە، بەتایبەت لەنێو زانایان و پسپۆرانی ئاینی ئیسلام ،کە دەلێن تەنها لە توانا و دەسەلاتی خودا دا هەیە مرۆڤەکان بسوتێنێ.

ئامادەکردنی: د.ناجح گوڵپی 5/6/2016