بیست و یەکەمین کۆنفرانسی ڕێکخراوی قەدەغە کردنی چەکی کیمیایی

بیست و یەکەمین کۆنفرانسی ڕێکخراوی قەدەغە کردنی چەکی کیمیایی

بیستو یەکەمین کۆنفرانسی ساڵانەی ڕێکخراوی قەدەغەکردنی چەکی کیمیایی  لە لاهای وڵاتی هۆڵەندا و  ڕۆژی دووشەممە 28/11/2016  کاتژمێر 10 سەرلە بەیانی دەست پێ دەکات  لە هۆڵی شا ئەلیکسندر و تاڕۆژی هەینی  2/12/2016 تەوا دەبێت.

ڕێکخراوی قەدەغەکردنی چەکی کیمیایی ( Organization for the prohibition of chemical weapons .OPCW  )  سالانە لەکۆتایی مانگی نۆڤەمبەردا کۆنفرانسی خۆی دەبەستێ  بە ئامادە بونی دەوڵەتانی ئەندام لە پەیماننامەی قەدەغەکردنی چەکی کیمیایی ، کە تائیستا 192 ولات ئەندامن لەم پەیماننامەیەدا،( واتە کۆنفرانسی دەولەتانی بەشدار)  لەم کۆنفرانسەشدا ڕێکخراوەکانی تایبەت بە بواری چەکی کیمیایی و مافی مرۆڤ بەشداری دەکەن، سالانە لەکوردستانەوە بەشداری ئەو کۆنفرانسە دەبن.

دروشمی ڕێکخراوی قەدەغەکردنی چەکی کیمیایی بریتیە لە ( پێکەوە کار دەکەین بۆ جیهانێک بێ چەکی کیمیایی ).

ڕێکخراوی قەدەغە کردنی جەکی کیمیایی  ڕێکخراوێکی نێودەوڵەتی سەربەخۆیە ،پەیوەندی تەواوی هەیە لەگەڵ نەتەوە یەکگرتوەکان، ئامانجەکانی بریتین لە:

·         لەناوبردنی کارگەو شووێنی دروست کردن و هەڵگرتنی چەکی کیمیایی .

·         هەوڵدان بۆ ڕێگری لە بڵاو بونەوەی چەکی کیمیایی  واتە بازرگانی پیوە نەکرێت

·         پاراستن و هاوکاری ئەوانەی هەڕەشەیان لەسەرە بەچەکی کیمیایی

·         هاوکاری لەنیوان دەوڵەتاندا بەمەبەستی مامەلەی دروست لەگەڵ کیمیادا،وە بەلاڕێدا نەبڕیت

·         پشتیوانی و هانی دەولەتان بدرێت تا ببنە ئەندام لە پەیماننامەکەدا ،لەگەڵ کۆمەک و هاوکاری بۆ دەوڵەتانی ئەندام

د.ناجح گوڵپی  27/11/2016