هەورامان یانەوەی ڕۆبۆتێوە ئەلەکترۆنی زرنگین
گەنجێوە هەورامی ڤیستڤاڵێوەنە ڕۆبۆتێوە ئەلەکترۆنی زرنگ نیشانە مڎوٙ و پلەو
یەکەمی بەدەس ماروٙ ،فەرەیدون یاسین گوڵپی جە "یەکەمین ڤیستڤاڵو تەکنۆلۆجی
ڕۆبۆتێک لەکوردستان" پلەو یەکەمیش گێرت .
ڤیستڤاڵەکە ڕیٛکوزیاو "تێک
ئای techeye " ڕوٙ 16/9/2017 شارو هەولیٛری ،ساز کەردەبیٛ و
چیٛرو چەمڎاری کونسڵو کوریای وارینینە .
فەرەیدون گوڵپی خەڵکو دەگاو گوڵپو هەورامانین،بەرشیەو دانشگای و بەشو زوانو
ئینگلیزین ، وەلێ حەزو ئارەزوو ئی هەرمانیٛ زاڕۆڵەییۆ ئینا مەژگشەنە ،ساڵێ
چێوەڵتەر گراڵە و وەشکەردەو ڕۆبۆتەکەی کەوتەن سەرەش، ئی دەسینە "ڕۆبۆت" نامیٛش :
" High
precision 3D printing، plotting and CNC machine " هەرمانکەردەو
دەسینەکەی ڕاو کۆمپیوتەریوەن و هەکە
بەرنامێوە تایبەش سەرو نەرمە واڵێوە وزیان سەر ،
تاووٙ یەرێ هەرمان پۆڕنوٙ " بڕیەی،هوٙرکڵاشتەی و چاپکەردەی " .
جە ڤیستڤاڵەکەنە 27 کەسێ بەشداریشا کەردەبیٛ و فەرەیدون پلەو
یەکەمیش گێرت ، پارچیٛ دەسینەکەیش بەرو وەڵاتیوە پەیدا کەردیٛنیٛ، بە مەیلو بەکار
ئاوەری تاووٙ هەرمانەی یەرە دووریەو دووەدوریە کەروٙ، چەنی ئانەیچ پەی چوار نیازا
تەری بەکار مێ ،کارایوە دیزاین کریان
تەنیا بەشێوەش فاڕی و هەرمانیوە تایبێش پەنەکەری و دەسینەکە پێسە وێش
مەنۆوە.
دەسینەکە
"ئامێرەکە" تەواناو بڕیەو تەختەی،ئەکرلیک، پلاستیک،پی سی بی ، ئەلەمنیۆم
"ش هەن بە شێوەو یەرە دووری 3D ،شوٙنەوئانەیچەرە دەسینەکە تاووٙ ویٛنە بڕیاکا چاپ کەروٙ.
هەرپاسە
لەیزەر بەسیو دەسینەکەیو تاوی هەرمانەو بڕیەی و هورکڵاشتەیش پەنە کەری، جیا چامنەی
هەکە بەدرێلیچ بڕیەیش پەنەکەری.
پلۆتەر"قەڵەمو
نویستەی " هەرمانەو نویستەی کەرۆ پی
دەسینەیە تاوی نویستەی زەریفو ویٛنەش پەنە کێشی.
ئەوەگێڵنای د.ناجح گوڵپی 11/9/17
