پەرسەو هامخەمی و
هامکاری هەڵەبجەی پەی خەڵکو مەینەتبارو ناوچە بومەلەرزە زەڎەکا
ئارۆ پەنجشەمە
16/11/2017 دماو عەسری خەڵکو هەڵەبجەی پەی بەروستەی هامخەمی و پەرسە ی
و جەم کەردەو کۆمەکو هامکاری پەی واڵەو براکاما جە ئوستانو کرماشانی و دەگاکا
دەورو سەرپیٛڵو زەهاوی ،گلیٛرێ بیێوە جە
گەورەتەڵانو مەزارو شەهیداو هەڵەبجەی.
چەنی پەرسەو
سەرساقی کەردەی جە کەسوکارو قوربانیەکا ،ویٛشا بە هامبەشو خەمیشا نیارە، شونەو
ئانیەچەرە پاریٛزگارو هەڵەبجەی داواو عەفویٛش کەردە هەکە نەپەرەچیانشا زوو
هامکاریو کۆمەک کیانا پەی خەڵکی وەنە قومیاو ناوچەکەی، چون هەڵەبجەیش بومەلەرزەی
داوەنە ،هەرچن کەس نەمردەن وەلێ بریندارو زەرەرێ فرەیاوان لاو یانەو خەڵکی و
تەلارو هەرمانگاکاو حکومەتی، چیٛگەنە قەولو جەم کەردەو هامکاری دریا سەوایۆ لای هەرکەس بەپاو تەوانایی وێش بەشداری
کەروٙ، وەداوایچشا ئەو گرد کەسی کەر هەکە بەشداریو هامکاری کەرانە، هەرپاسە ئاردشاوە ویرو جەمۆبیەکا هەکە هەڵەبجە فرە
وەنەش قومیانو، قەوموکەسوکارما چەودیم فرە بە خەمەوەرانەو دلسوزانە ئامێنیٛ
دەمماوە و ئیساتیٛ ئەرکو سەروشانەیمانە، هیچ نا بتاومیٛ عیوەزێوە گولانیٛشا
دەیمێوە.
دەسوکاک
"فەرحان عیزەتی"وەش پەی کیاستەی ویٛنەکا
د.ناجح گوڵپی 16/11/17
