پیکوڵی.. tribulus terrestris

.
پیکوڵی.. tribulus terrestris
پیکوڵی یام پیکوڵە ،گیواوێن وەھارێنە سەوز بۆنە، سەرانسەرو دنیاینە ھەن، کوردەسان و ھەورامانیچەنە ھەن، وەھارێنە چنی گردو گیواوەکا سەوز بۆنە ،چنی گیوای پڕۆ و وشکبۆ، جۆرێش ھەن ھامنێنە دلێ کشتو کیارینە سەوز بۆ،تەرزی پێکۆ و درێژ کێشیۆ سەرو زەمینیرە ،دلێ بامەیە بایجان و تەماکۆینە ،یاگی بێ ئاویچەنە سەوز بۆنە،یانی وەرگەو کەم ئاوی و گەرمای گێرۆ.
پیکوڵی ولێ گولانی زەردە بەر مڎۆ دمای بۆ بە دڕەی، دڕەیەو پیکوڵی ئینە لتە نوەیێ یام زلتەرەنە و چن نوکە دڕیوەش پۆ مزیاوە ،فرە وەختی ملۆ قاچ و بنیاڎمیرە،پالا ولە کەرۆ،خۆ ئەگەر بە پاخروابلۆش پۆرە ،ئێشش فرە فرەن.

پیکوڵی بە فارسی پنەش ماجا "خارخسک" گەڵاو  دڕەیەکاش بە سەوزی گرینی و ئاوەکیش بوەریوە پەی تاونایۆ و فڕەدای تەوەنەو وڵکی فرە خاسا، دەرمانیوەش چەنە وەشکریان جەئیران پەنەش ماجا"شنگوڵ".
شۆنەو ئانەیچەرە بە سەرچەمێ گرنگ نریۆرە پەی قەوەت کەردەی "سێکس"و پیای و زیاد کەردەو ھۆرمۆن و تیستۆ ستیرۆنی "testosterone hormone  "، چن جۆرە " تابلێت " "قرص ،حبە " ش چنە وەش کریان  پەی بەکار ئاردەی و بەهیز کەردەی پیاوەتی .
هەەرپاسە ئەگەر ئاژەڵ فرە بوەرۆش توشو هەستیاری و خارشتیش کەرۆ
د.ناجح گوڵپی 
هەورامان 11/7/2017 




veterinary medicine. يتم التشغيل بواسطة Blogger.

پەیوەندی

بابەتە پڕخوێنەرەکان

ئەرشیڤ