یانەو سیاوچەمانەو هەورامانی بەشداری چوارەم ڤیستڤاڵ و کەلتورە جیاوازەکا
کەرۆ
دەسەو ورپڕای - یانەو سیاو چەمانەی پەی دوەم
جاری بەشداری جە ڤیستڤاڵ و کەلتورە جیاوازەکا کەرۆ جە شار و ڕانیەی ، کە پەی ماوە
و دووێ ڕوا خوایناش.
سەنتەر و رایەڵی پەی ئاڵ و وێڵ و کەلتوری و ڕۆشنویری جە شارو
رانیە ی سالانە ئی ڤستڤاڵیە ساز کەرۆنە، ئێساڵ پەی ڕێز گرتەی ئۆ پێشمەرگەی بەدروشمە و ( ئاشتی و پێوەرە ژیوای کەلتورە
جیاوازەکا ) چوارەم ڤیستڤاڵش ساز
کەرد دوێ شەوێش خواینا ، 22 ،23/9/2016 .
چی فیستڤاڵەنە 13 تیمێ بەشدارێ بێنێ، کە چن کەلتورێ جیاوزا بەرهەم و وێشا نمایان کەرد، یاگێ
ڤیستڤاڵەکەی جە پارک و دەروازەو شارو رانیە بێ ، ئینەیچ نامێ تیمە بەشدار
بیەکانە:
1.
تیم و شاریای ئێزیدی
2.
تیم و میللی نەتەوەیی عێراقی-بەغدا
3.
تیم و نەتەوەیی هونەرە میللیەکا هەولێڕی
4.
تیم و هەرای
قوچان ( خۆراسان )
5.
تیم و هونەرە میللیەکا دهۆکی
6.
تیم و ڕوناک ی کەلتورە جیاوزەکا ئێرانی
-تاران (
کورد،عەرەب،بەلوچ،ئازەر،بەختیاری،لوڕی،گێڵکی،جنوبی،سنتی)
7.
تیم و یارسان ( دایرک خاتون و شاخوشێن )
8.
تیم و برایەتی کەرکوکی ( عەرەب،کورد
تورکمان،ئاسوری )
9.
تیم و ئارمانجی شارو عەفرینی
10. یانەو سیاوچەمانەو
هەورامانی-دەسە و ورپڕای
11.
تیم و بارانی جە بوشهر
12.
تیم و هونەرە میللیەکا بەسرەی
13.
تیم و موزیک و رانیە
تیم و موزیک ورانیە ی بە دوێ گۆرانێ ڤیستڤاڵەکەش رازناوە.
ئاهەنگ و ڤیستڤالەکەی شەوەو 22 ئەیلولی سات 8.30
نەماوەنە،تا سات دوانزە دریژەش کێشت، هەشت بابەتێ زەریفێ کەلتوری پێشکەش و
تەماشاچیا کریا.
جە درێژەوە
بابەتەکا ڤیستاڤڵێنە دیالۆگێ ساز کریا پەی سەرۆک تیمە بەشدرا بیەکا ڕۆ
23/9/2016 ی سات یەرێ دمانیمەڕۆی، وەش بەختانە یانەو سیاوچەمانەی بەشداری
کاریگەرش کەرد بە چندین راو و پێشنیازو ،هەرپاسە باسو کەلتورو هەورامانی پەی ئامادە
بیەکا کەرد، کە بە زوانی فارسی و عەرەبی تەرجەمە کریێی.
شەوەی دوەمە یچ یانزە بەرهەمێ تەر پێش کەش کریێ، دەسەو ورپڕای- یانەو
سیاوچەمانە و هەورامانی شەوەی دووەمە بەرهەمەکەو
وێش پێش کەش کەرد ، کە بە ورپڕای گێڵای
یاران یارانی دەسما پەنەکەرد و دمایی فاڕیا پەی بەزم ورپڕای چەپی هەورامانی بە گورانیەکا
( شیرینەو خانم، کەنی کەنی، کەنیشکە کاڵەکەم ) گردۆ نزیکەو
15 دەیەقاش خواینا، کە یاگێ ڕەزامەندی وینەرەکا بێ.
گرنگی بەشداری کەردەی کەلتورو هەورامانی:
بەشداری
کەردەیما چی ڤستاڤاڵەنە گرنگی و بایەخ و وێش هەن، گردما مزانمێ کە ناوچەکەو
زێدەکەما پێک ئامان جە چندین گەل و نەتەوە
ئاینزای جیاواز،یانی فەرهەنگی ڕەنگاوڕەنگ، مێژوو سەلەمنانش هەمیشە خەڵک جە ڕاو
کەلتور و فەرهەنگ و هونەرەکەیشاوە حەزشا
کەردەن کە بە ئاشتی و برایەتی چەنی یۆترینی ژیوا، بەلام سیاسەتی سەقەت و قۆرخکاری
و دیکتاتۆری ئی حەزو ئارەزوشە پوجەڵ کەردەنۆ بیەن بایسو ئانەی ،کەلتورێ وێش زاڵ
کەرۆ ملو کەلتورەکا تەریرە و شۆرۆشاوە و فۆتنۆشا، یان تاونۆشاوە دلێ کەلتور و زاڵ
و سەردەسینە.
بە درێژایی
مێژووی ئێ هەوڵو تەقەلا نەزۆکە بیەن، ئەگەر
لاکەرمێوە پەی دمای ، سەدام ما ویر گنۆوە،
گەرەکش بێ نەتەوە و کوردی و ئاینزا جیاکا تەری پێسە ( مەسیحی،کاکەیی، ئێزدی )
وێشاو کەلتورەکەیشا دلێنە بەرۆ و دلێ عەربینە تاونۆشا وە بە بەهانێ پیرۆزی ئاینی و ویری ڕەگەز پەرستی، ئیسایچ
یاگەدارو بەعسی پەیدا بیەن چێرو نامێ
ئیسلامینە گەرەکشا کەلتورو گرد ئاینزاکا تەری دلێنە بەرۆ تەنیا وێشا دەسەلاتشا بۆنە نمونەو داعشی و کۆمەڵ
کوشتەی ئێزدیەکا، کاکەیەکا ،مەسیحیەکا دەشتەو نەینەوای.
نەک هەر
ئانە ،ئیسایچ هەمان شالاو و دلێنە بەردەی کەلتورو کوردی جە ئێران وسوریا و
تورکیانە بەردەواما، تەنانەت سادە ترین مافشا نیا کە بەزوان و وێشا قسێ کەرا یان
بەرهەمی فەرهەنگی بنوساو وەڵا کەراوە، ئەگەر وردتەر بەیمێرە وار سەرنجە دەیمێ
هەمان پاشیل و کەلتورو هەورامانی بەردەواما جە هەرێمو کوردسانی ، نمونە ش نەبیەی میدیا ی
هەورامی پێسە تەلەفزیۆنی، ڕۆژنامەی ،وانای
بە زوانی ئەدایی، ئینە بۆ بایس و تاویایۆ
و گم بیە کەلتورێ ڕەسەن و کوردی کە وێش جە
هەورامانەنە وینۆوە، کەلتور هەورامانی بە دذان نیا پۆرەو گردو شارەزایا کەلتورێ ڕەسەنا ،دێڕ زەمانۆ وێش پارێزنان
وەرگەش گێڕتەن وەرانوەرو گرد پەلامارە
فەرهەنگی و کۆمەلایەتی سیاسەیەکا دەورو
وەریشەنە، هەمیشە هەورامان کەکتورێ ئاشتیانەش
بیەن ،بەخشانش، نمونە " جلو بەرگ وهەورامانی" چۆخ و رانک،کڵاشی"
وەڵا بیەنؤ گردو کوردسانیرە( یانی جلو بەرگێ رەسەنا)،هەر یاگێنە هەورامیش جەنە بیەبۆ یاگێ هێمن و ئارامی و
ئاوەدانی بیەن .
هەورامان
پێسە ناوچەی یان زاراوە یان زوان کەلتورێ تایبەتو وێش هەن، بەشاهیدی فرەو
شارەزایا ،کە جا ماندە کەلتورو زەردەشتین، سەربارو گرد هیرش و وەربەس و نالەباری و
جەنگ ملو هەورامانیرە ئامان ،تائیسا
تاوانش فەرهەنگ و رەسەن و وێش پارێزنۆ،
چەنی ئانەیچە بەشداری کاریگەرش کەردەن چەنی کەکلتورەکا دەورو ووەریش، بەخشانش، ورش
گرتەن ،وێش پارێزنان.
ساز کەردەی
ئێ جۆرە ڤیستفاڵیە کەلتوریا فرە گرنگ
ویاگێ بایەخین،چون بەردەوامی مدۆ بە گیان
و تەبایی و پێوەر ژیوای،هونەرو مۆزیک و فەرهەنگ هەمیشە ئەڵقێ پەیوەندی نەتەوە
وئاینە جیاوازەکا بیەن، بە نونگەو هونەرو مۆزیکیوە سۆزو دڵ دای وەنە پەی کەلتورو نەتەوەکا تەری دانش وەنە ، تێکەڵاوی و
پەیوەندیش دروس کەردەن،ئاشتی و برایەتی جارێوتەر گۆپیتەش کەردەن، دیکتاتۆری و قۆرخکاری شکست پنە مارۆ ،وەروئانەی مەشۆ دلسۆزا هونەرو کەلتوری
هەردەم هەنگامەکا شا خێرا کەراوە و نازا
ویر و قۆرخکاری کەلتوری سەرە بەربارۆ.
د.ناجح
گوڵپی
وەرپرس و دەسەو ورپڕای
-یانەو سیاو چەمانەی
25/9/216 n.gulpy@gmail.com
