چنی کؤنفرانسێوە سەرکەوتە
بەسی؟
وەڵتەر
باسما کەردەن هەکە سەرکؤتەی کؤنفرانسی
بەسیان بە یەرې نونگاوە ( کرؤکو
پەیجؤریەکا زانستی و بەرز بؤ، ڕاوەبەرې کؤنفرانسی مەشؤ دڵسؤزې و نەفەس دریژې با،
دماجار پەی چارەسەرو گرفتی نەرمو نیان و
چارەسەری گونجیا بېزاوە ).
دماو ئینەی
دەس کەری بە ئەشناسای کؤنفرانسی جە ڕاو میدیا
جؤرواجؤرەکاوە،( تەلەفزیون،رادوین، تؤڕی کؤمەلایەتی ،پان کارت،بروشور،فلیکس...هتد)،چنی
ئانەیچ نیشانې (لؤگؤ) پؤ گردو وەلاکریاوەکاوە بؤ، دروشمەکا کؤنفرانسی چنیشا
بنوسی سەرو وەلا کریاوەکاوە،هەتا سەرو داوەتانامەکایچؤ گرنگا بنوسیش،پەی ئانەی
خەڵکی زیاتەر و ئاسانتەر بیاوؤنە جە ئامانج و کؤنفرانسەکەی.
ڕێکوستەی کؤنفرانسی
ڕێکوستەی
کؤنفرانسی هەرمانێ فرە ناڕەحەتەنە، کە پیوستیش بە هەماهەنگی و هەرمانەې دەسە
جەمعیەنە، بەینو چندەها کەسانە، ئی
هەرمانی بەیەک کەسی مەلؤ ڕاوە، ئەگەر کؤنفرانس سەرکەوتە بؤنە ئانە وێنایوە زەریفو
کاریگەر دروس کەرؤ جە مەژگو بەشداربیەکانە، چن خاڵێ منوسمی تا بزانمی چنی
کؤنفرانسێ سەرکەوتە گېرمینە꞉
1. ئامانج و
گرتەی کؤنفرانسی و خشتەو هەرمانو کاری꞉ وەڵی دەس پەنەکەردەی پېوست بە ئەشناسای و دیاری کەردەی ئامانجەکا
کؤنفرانسین ، گەرکمانە یاومی بەچېشی ؟ ئامانجەکې
کاریگەریشا هەن سەرو بڕیارەکاو راسپاردەکا دمایی کؤنفرانسی،مەشؤ هەرمانو کاریچ بە
خشتێوە دیارە ڕؤشن و وەرەچەماوە بؤ.
2. خەرجی꞉
نمەتاومی هیچ هەنگامێ بنیەمی هەتا نەزانمی چن زەڕما هەن پەی بەردەی راوەی
کؤنفرانسی، و بە جوانی دابەشکەردەیش سەرو گردو خولگاکارە (تەوەرە).
3. ئامادەکەردەی
لیست وبەشداربیەکا،داوەتکریاکا کؤنفرانسی، و گونجنایش چنی یاگی کؤنفرانسەکەی
(هؤڵەکە) وخەرجیەکەی.
4. کیاستەی
داوەتنامەکا جەراو ئیمەیلیوە،یان بەدەسی یاونیشا.
5. هؤرچنیەو
یاگی بەستەی کؤنفرانسی مەشؤ گونجیا بؤ چنی ژمارەو بەشدار بیەکا، گرد ئاسانکارێوە
کریابؤ،پەی مدرای سەیارەی،نزیکی جەیاگی وتەی،پشوو، چیشتخانەی...
6. لیستو نامێ
بەشدار بیەکا ئامدەکریؤ پەی نان واردەی.
7. لازما
کؤمەکو هاوکاریو زانیاری هؤرگیرمی جە فەرمانبەرا یاگی (هؤڵ) بەستەی کؤنفرانسەکەی،ئانەیچ ئاسانکارین پەی
ئیمە.
8. بەخشای و
ئامادە کەردەی دیاری خێرئامای پەی
بەشداربیەکا کؤنفرانسی، سەرو کورسیەکاوە
نریؤرە.
9. بەیناو
بەین چالاکیی وەش پێشکەش کریؤ،کەسی شارەزاو پسپؤڕ نریؤرە پەی قسەکەردەی (بوێژ)
،پشوو بؤنە بەینو خوڵگەکانە،واردەی چاییو
کیک...هتد.
10. ئاردەیو
بەردەی بەشداربیەکا کؤنفرانسی بە ماشینی تایبەت،یاگی وتەیشاوە پەی دلې هؤڵی
11. سوپاسو
گردی کەرمی پەی مانیای و ئامادەبیەیشا
د.ناجح گوڵپی
10/2/2017
