مؤبارەک بؤ ڕؤ زوانی ئەذایی
ئارؤ 21/2/2017 ڕؤ جەهانی زوانی ئەذایی ، موبارەک بایی کەرمې جە گرد و هام زوانەکاما،هام وەڵاتیەکاما،
نەتەوەو کوردی و گردو جیهانی، چی ڕؤنە پشتیوانی و دڵسؤزی پەی زوانەکەیما دوبارە کەرمێوە، وە داواکارێنمی جە گردو
هەورامیەکا هەکە زوانی ئەدایی وێشا ویر
نەشؤوە،قسیش پەنە کەرا ،وانا ،پەنەش بنویسا.
ڕؤ زوانی ئەذایی ڕوێ جیهانین
یونسکۆئ دیاری کەردەن هەتا زوانەکې یادو وېشا کەراوە، کؤڕو ئاهەنگ ساز بدا پەی
پاڵپشتی و پاریزنای زوانەکەیشا، یونسکؤ ماچؤ گرد زوانەکې پېسە یؤی مافو ژیوایشا
هەن، بەپاو یاساو زوانی دەوڵەت مافو پارێزنای مدؤ بەزوانەکا،کارو چالاکی فەرهەنگی
ساز بدا، زاڕؤڵەکاشا فێرو زوانی ئەذایی کەرا....هتد
پارېزنای زوانیچ کەوتەن سەرو ئەنداما
ئا زوانیە ئەگەر گەرەکشابؤ پارێزناش، ئەگەر گەرەکشا نەبؤ و وزاش پەشتەو گؤشا و
فؤتیؤ.
فرە زوانی نەتەوەو کوردی ماناو
دەولەمەندی مدؤ، هەر زوانێ یان زاراوې تایبەت مەندی وێش هەن، ساحیب و کؤمەڵێ
کەلتورو شارەستانی تایبەت بە وێشا، پؤکەی ئی گرد کەلتورې پێوەرە نیشانێ گەورەیی و
شانازین پەی گردیما، ئەرکو گردیمانە پارێزنمېشا و گەشەشا پەنە دەیمې، هەرگیز
رانەدەیمی زوانێ یان زاراوێ وێش سەپنؤ و ئەوی تەری شؤرؤوە، مەردەی زوانێ یانی
مەردەی کەلتورێ، میللەتێ ،مێژوو(ویەردەی)،هونەری...هتد.
فرە زوانی هەرگیز نەبیەن مایەو تەرسې پەی سەرو ئاسایش و نەتەوەی، نمونې
فریما هەنې جە جیهانەنە" سویسرا،حەبەشە،هیندستان
" وەڵاتې فرە زوانېنی، زوانی ستاندارشا هەنو زوانە ناوچەیەکی یاگې ویشانە
بەرجەستې بیېنی.
ئارؤ ئێمە ماچمی بەڵې پەی زوانی ستانداردی
کوردی ،بەڵې پەی پارېزنای گردو زوان و زاروە کوردیەکا بە بې جیاوازی.
دەسەو
ڕاوەبەرو کؤنفرانسو هەورامان ئەشناسی
21/2/2017
