کتێب و پانۆراماو کیمیاواران و کوردەسانی چاپ
کریا
کتێبێ خنجیلانە باس جە کیمیاوارانو کوردەسانی کەرۆح جە سەردەمو
دەسەلاتو ڕژێم و بەعسی گۆڕ بەگۆڕینە، بە حەوت زوانی پەخش و وەلام کەردەنۆ (
ئینگلیزی،سویدی،فارسی ،عەرەبی ، کوردی کرمانجی و سۆرانی و هەورامی )،پەی یاذو ویسو
نۆسالە و کیمیاواران و هەلەبجەی گنۆ وەرەچەم وبوانەکا.
ئی کتێبە بە شیوازێ زەریف و ڕەنگاوڕەنگ چاپ
کریان، 132 لاپەڕێن،بە قەوارەو "24*17 "سم ،نوسیتەوە ئامادەکەردەیش دکتۆر
ناجح گوڵپین، سەرو ئەرک و گروپو کۆمپانیاکا هەلەبجەی چاپ کریان جە چاپخانەو ئاڤاکوردی
/ هەلەبجە، دەس وەشیشا وەنە کەرو.
ئێ کتێبە ئینا پەراوێزو پرۆژێوە درێژ
خواینینە ،کە پێک مێ جە ( کتیب،بروشور، وێنە،فلیکس،ڕۆژمار) کریۆ گرد سالێ چاپێ کریاو وەڵا کریاوە.
گرنگی ئی پرۆژەیە ئانەن، هەرچی زانیاری هەن
سەرو کیمیاواران و کوردەسانی گردم تۆمار کەردەن بە وردی و پوختی،وە بە چن زوانێ
جیهانیچ .
مەشۆ دلێ مۆنۆمێنتەکانە نرێوەرە
(هەڵەبجە،بالیسان،سێوسێنان، چەمچەماڵ،گەرمیان...هتد ) تا بەدیاری دریۆ بە مێمانە
بیانیەکا وەختێ سەردای کەرا پەی ئی یاگە مەینەت بارا.
پێسە سەرچەمێ وردو پوخت و ئاسان گنۆوەردەس
پەی وانگا و زانکۆو ناوەندە ڕۆشنوێڕیەکا ، گردو فەرمانگەکا هەلەبجەیو کوردەسانی ،هەتا
گر کەس شارەزایی تەمام پەیدا کەرۆ سەرو
تاوانەکا کیمیاوارانی و جینۆسایدی.
پەی پەخش کەردەیش دلێ کۆنفرانسە
جەهانیەکانە،وەختێ کە شاندێ جە کوردسانۆ ملۆ پەی بەشداری ،یان جە کۆنفرانسە کا
جینۆسایدینە و ڕیکوزیاو قەدەغەکەردەی چەکی کیمیایی و کۆنفرانسو سالانەو دادگا و لاهای.
کریۆ ئی کتیبەو بەرهەمەکێ تەرێ سالانە جاپ کریاوە، و
بە زوانێ زیاتەریچ، هەتا بتاومێ مەینەتی و تاوانەکا دەرهەق بە نەتەوەکەیما
بیاونمێ جیهانی، ئینەیچ سودش هەن پەی هامکاری
جیهانی پەیما.
د.ناجح گوڵپی 1/3/2017
