ڕاو رەسموو تازەکەردەیەو ئەوەکردەیەو ئاساو و نەوسوڎیٛ
ڕوٙ چوارشەممەی 6/12/2017 ی، پانزەو کەڵەهەرزو ئیساڵی ڕاو ڕەسمیٛ تایبە سەرو حەوزەلارەو شارو نەوسوڎیٛوە ملوٙ ڕاوە پەی
ئەوەکەردەیەو تازەکەردەیەو ئاساو و قەڎیمی نەسودیٛ ، ئی ئاساوە سەدەو دەهەموو کوچینە ئاوا کریان .
** شاروو نەوسوڎیٛ پایتەختوو هەورامانو لهوٙنی سەروەختیٛ لانی کەم شش ئاساویٛ هەرمانەشا کەردیٛنە هاردی
خەڵکی و سپای و گرد هیٛزە چەکدارەکا ناوچەکەیشا هاڕێنیٛ ، یاگیٛ شانازینە ئوٙساکیٛ
هەورامانی جە نەوسوڎەنە " ئوٙسا سڵیٛمان مرادی اقدام و دەرویٛش مەحمود ڕەحیمی " نەخشیٛ زەریفشا بیەن پەی وەشکەردەو ئەرەمەرزنای
ئاساوەکا ، نەک جە نەوسوڎەنە گیٛرە فرەو دەگاکا هەورامانینە ، ئینەیچ نامیٛ
ئاساوەکا نەوسوڎیٛ :
1-
ئاساوی سەرین " لاوسەری حەزەلارەی"
2-
ئاساوی وارین " پایینو حەوزەلارەی"
3-
ئاساو و دەرەگماڵیٛ
4-
ئاساو و" ئاساو مەریٛ "
5-
ئاساو و ئاساوگای
6-
ئاساو و هەنارو میر حەمزەی
هەڵبەت هەردووی
ئاساوی سەرینو وارینو حەوزەلارەی جەگردی
زیاتەر هەرمانەشە بەردیٛنە ڕاوە ، ئاساوی سەرین هنو تایفەو "شیٛلاقەی"
بیەنو بابایشا وەش کەردەن بەنامیٛ " فەتح اڵڵا" ی و ئاساوی وارین تەوفیق
بەگی وەش کەردەن و دماتەر بە ئاساو
دەرویٛش مەحمود ڕەحیمی نامی بیەن ....
** زانیاریەکیٛ
کتێبو نەوسوڎیٛ نویستەو فەهمی مورادی مەولودی
هوٙرم گرتیٛنیٛ
د.ناجح گوڵپی 5/12/2017
