خوا جە سوڵتان مەحمودی گەورەتەرا

خوا جە سوڵتان مەحمودی گەورەتەرا

گیٛڵناوە سوڵتان مەحمودی غەزنەوی شەیڎاو ژەنەو"چوٙتاش"  دارتاشێوە بوٙ ، ئتر گنوٙ بڕوبەهانە گرتەی ئەو چوٙتاشەی، تا سەرەش وەروٙ و ژەنەکیٛش مارەکەروٙ پەی ویٛش ، ڕوێوە سوڵتان  چوٙتاشەکەی چڕوٙ و پەنەش ماچوٙ ئەشوٙ  ئیٛشەو تا سوبحێ ئاننڎە فەردە هاردە مشاریٛم پەی پەیڎا کەری ، ئەگەر  نا سوبحێ مڎەو ملت .

ملوٙوە پەی یانەی دەس کەروٙ بەهەڕ پیمایی و شیوەن کەردەی و حاڵو مەسەلەکەی پەی ژەنەکیٛش گیٛڵنوٙوە ، ژەنەکەیٛش ژیرە بوٙ  یەکسەر جە نیازو سوڵتانی یاووٙنە و مزانوٙ هەکە داواکاریەکەش ئینا بەرو هازەو ئانزانینە ، بە میٛردەکەیش ماچوٙ  خەمە مەوەرە  بوسە  خوا جە سوڵتان مەحموڎی گەورەتەرا .

چوٙتاشی داماگ تا سەحبێ وەرم نەلا چەمیٛش ،گرەوای و لەرزای حەیبەتیێنە،  سەحبێ زوو پیاکیٛ سوڵتانی ئامیٛ و تەقەشا دا بەرەو یانەو چوٙتاشی ، خەریک بیٛ زیٛڕە کەروٙ ، لوا بەرەش کەردۆ ، پەنەشا وات ،کرژ تابوتێوەما پەی تاشە ئیٛشەو سوڵتان مەردەن با  بەرمیٛش پەی قەبەرسانی .

ئی ڕازیٛ فرە زوۆن دلیٛمانە هەنەو ماچاش پەی وەختێوە هەکە خەڵک گیرش کەردەبوٙ چیٛرو دەسەڵاتو زوٙردارێوە بیٛڕەحمینە ،یانی ئارام و سەبر گرتەی و پەنا بەخوڎای بەردەی ، ئاقیبەت زوٙرداریو کوشتو بڕ هەر لامشوٙ .

د.ناجح گوڵپی 1/12/2017  هەورامان