زەیتون بوەردیٛ بە ڕیٛکو پیٛکی

زەیتون بوەردیٛ بە ڕیٛکو پیٛکی

 گوٙڤارو  فرویندین ی ئەڵمانی  ڕوٙشنش کەردەنوە  هەکە واردەی زەیتونی و زەیتو زەیتونی بە شیٛویٛو ڕیٛکو پیٛک  ، شش سودیٛما پنە یاونوٙ :

1-    هامڕێوە خاسو دڵین :  زەیتون  تشە چەربی ناتیٛری یەکانیش چنەن ، ئی تشە چەربیە  حاسو کولیستروٙڵو  وونیٛ کەم کەروٙوە ، هوٙروشکناکیٛ سەلەمنانشا واردەی زەیتونی و زەیتو زەیتونی  بە شیٛوێ ڕیٛکو پیٛک  ، بوٙ بایسو ڕیٛک وستەی فشارو وونیٛ و  نەوەشیەکا دڵی .

2-    دژو سەرەتانین :  گوٙشتو گرد زەیتونیٛو مادیٛوەش چەنەن  پەنەش ماچا "هیدرۆکسی تیرۆ زول "  ، ئی مادە  دژە ئوکسانا و  نمازوٙ خانەی سەرەتانی گەشە کەروٙ .

3-    سود بەخشا پەی نەوەشی شەکرەی  جوٙری دووەم :  زەیتون وەرگەگیٛرتەو ئەنسولینی کەم مکەروٙوە ، و کاریگەری ئەریٛنی منیوٙ سەرو  قەنڎ و وونیٛ .

4-    توش بیەی بە زەهایمەری کەم کەروٙوە :  زەیتون مادەو " اولیو کانسال" ش چەنەن، هەکە خانە عەسەبیەکا پاریٛزنوٙ . پی جوٙرە تەرسەو توش بیەی بە  خڵەفیای  کەم مکەروٙوە .

5-    پیٛشەکا لاشەی پاریٛزنوٙ :  هوٙروشکنای سەلەمنان  واردەی زەیتونی پاریٛزنوٙما جە " فشوٙڵ " بیەو پیٛشەکا ما .

6-    هامکاری هوٙرلوشتەو کانزاکا مڎوٙ ڕیٛڵەخوٙنە : بڕیٛ واردەمەنی سوود بەخشیٛ هەنیٛ  پەی دروستی لاشەی بەکەلکیٛنیٛ ، پیٛسە " بێتا کاروتین" ی  هەکە دژە ئوکسانا ، لاشە نمەتاوٛوٙ ئی مادەیە هوٙرلوشوٙ ، مەگەر دماو واردەو چەربی زەیتونی .

هوٙرگیٛڵنای جە عەرەبیوە : د. ناجح گوڵپی  29/12/17