پەرلەمانی چیک : کوشتاری ئەرمەنیەکان جینۆسایدە

پەرلەمانی چیک : کوشتاری ئەرمەنیەکان جینۆسایدە

ڕۆژی سێ شەممە 25/4/2017  پەرلەمانی وولاتی چیک  کوشتاری ئەرمنەیەکانی بە جینۆساید ناساند ، بڕیارەکە بەزۆرینەی دەنگی (104) پەرلەمانتار دەرچوو.

ئەنجومەنی نوێنەرای چیک ڕەزامەندیان دەربڕی لەسەر بڕیاری بە  جینۆساید ناساندنی  کوشتاری گەلی ئەرمەن و پێکهاتە مەسیحیەکانی تری ناو دەولەتی عوسمانی ، کە لەسەرو بەندی جەنگی یەکەمی جیهانیدا ڕووی داوە بەدەستی دەوڵەتی عوسمانی ئەوکاتە.

پێشنیازەکە لەلایەن ( میب ڕوبن بونیش لە حزبی  Cssd  ) پێشکەش کرا، پاشان بە زۆرینەی دەنگ  پەسەند کرا بە بۆنەی سەدو  دوو سالەی تاوانی جینۆسایدی ئەرمەنیەکان، کە ڕۆژی 24/4/ هەمووساڵێک ئەو یادە بەرز رادەگیرێت.

هەر بەبۆنەی ساڵیادی جینۆسایدی ئەرمەنیەکان،سەرۆکی وڵاتی چیک (میلۆس زیمان ) نامەیەکی ئاراستەی  (بارسیکا بیلافشیان ) سەرۆکی ڕۆحی ئەرمەنەکانی کۆماری چیک کرد ، لەنامەکەیدا باسی لە کۆمەڵکوژی یەک ملیۆن و نیو مرۆڤی ئەرمەنی کرد بە دەستی عوسمانیەکان، ڕای گەیاند ئەمە نەک تەنها بۆ ئەرمەنەکان جێگەی ئازارو مەینەتی بوە  بگرە بۆ سەراپای جیهان جێگای نیگەرانی و شەرمەزاری بوە.

لەسەرو بەندی جەنگی یەکەمی جیهانیدا (1915-1916 )  تورکە عوسمانیەکان زیاتر لە ملیۆنو نیوێک مرۆڤی ئەرمەنی و ئاسوریان جینۆساید کرد ،تائیستا  23 دەولەت کۆمەڵکوژی ئەرمنیەکانی بە جینۆساید ناساندوە،سەرباری دەیان پەرلەمانو دەزگای گرنگی جیهانی .

http://asbarez.com/162565/czech-republic-parliament-recognizes-armenian-genocide/

 د.ناجح گوڵپی

 27/4/2017