کۆتا واتە و کۆنفرانسو هەورامان
ئەشناسی
میمانه وه‌شه‌ویساكا و كه‌سایه‌تی
و نوویسه‌ر و هونه‌رمه‌نده‌كاو هۆرامانی ، پاریزگارو هه‌له‌بجه‌ی، كۆنگره‌و نه‌ته‌وه‌یی كوردسانی، حزب و لایه‌نیه‌كا
و پانیشتو كوردستان، ئا میمانیما كه به نوینه‌رایه‌تی جه لاو شه‌به‌ك و باجه‌لان
و زه‌نگه و كاكه‌ییه‌كی كه‌ركوكیۆ ئامینی ، سوپاس و ده‌سوه‌شیما هه‌ن په‌ی
ئاماده‌بیه‌یتا جه كۆنفرانسو هۆرامان ئه‌ژناسی و زه‌حمه‌تتا كیشان.
ده‌سوه‌شیما هه‌ن په‌ی گردیتا كه به هه‌ر جۆریوه بۆ هاماكاری لوا راوه
كۆنفرانسو هۆرامان ئه‌ژناسی بیندی جه رۆ 20-21/4/2017
به تایبه‌ت كۆنگره‌ی نه‌ته‌وه‌یی كوردی كه سپۆنسه‌ر و كۆنفرانسی بیه‌ن. هه‌رپاسه
پاریزگارو هه‌له‌بجه كه به پاو توانیش هامكارما بیه‌ن. به‌ریوبه‌رایه‌تی
ڕۆشنویری و هونەری به به‌خشای (هۆلو بۆنه‌كا) هاوكاریما بینی رێزی بی پایانما هه‌ن
به گردیتا و ئومیده‌وارینمی جه داهاتوونه به‌رده‌وامی بیدی و نموونه‌تا فره‌ته‌ر بۆ.
چی دوه رووه‌نه كه كۆنفرانس لوا راوه، ئی
بابه‌تی وزیای روه(1. میژووهەورامانی 2.ژەنی هەورامانی 3. ئەندزیاری
هەورامانی4.ئەدەبو هه‌ورامانی. 5 هونەر جه هه‌ورامان. 6. ئاین جەهەورامان7.
میدیای هەورامی 8. وێ ژیونای جە هەورامان. 9. كه‌ناروسته‌ی زوانی هۆرامی جه په‌روه‌رده‌نه.
هه‌رپاسه باسو میژوو ئه‌ده‌بیات و عه‌بدولمه‌لیكییه‌كا ) كه چیگۆ ده‌س وه‌شی
بیكۆتاما هه‌ن په‌ی گرد نوویسه‌ره‌كا كه به په‌یجۆرییه فره‌خاس و وینا قوله‌كاشا
سه‌رو هۆرامانی، وره‌چه‌مو گرد لایشا سه‌رو پیگه و به‌ها و كلتوور و ئه‌ده‌ب و
زوان و هونه‌ر.....هتد په‌ی ئیمه و میمانه‌كاما
رؤشنكه‌ردۆ و یاگی به‌رزه‌و هه‌ورامانیشا جه ته‌مامو رووه‌كاوه په‌نه نیشانه
دایمی، هه‌رپاسه كیشه و گرفت ئارۆ و هه‌ورامانیشا په‌ی وستیمی روه.
ئیمه پیسه ده‌سته و راوه‌به‌ر كۆنفرانسی جه
وسته روو باسه‌كاو ئاذشانه و هه‌ر باسه سه‌رنجه‌كی ویما په‌ی كیشه و مژارو
ئارۆ و هه‌ورامانی، ئی خالی لاو واریما كه‌ردینه راسپارده‌و كۆنفرانسی:
ڕاسپاری کۆنفرانس و هەورامانی
1.
هه‌رمانكه‌رده‌ی په‌ی وانای به زوانی هه‌ورامی، به‌تایبه‌تی جه ناوچه
وهه‌ورامان و ئا وا‌نگانە كه فره‌تەره‌شا زوانی ئەذایشا هەورامین قۆناغەکا
واناینە
2.
هه‌رمانكه‌رده‌ی په‌ی ئەژناسای زوانی هەورامی جه پارێزگاوهه‌له‌بجه‌‌ینە
پیسە و زوانێ فه‌رمی ناوچه و هه‌ورامانی.
3.
کەردەیۆ ئەکادیمیای زوانەوانی هەورامی جه ناوچه و هه‌ورامانینه،
یان ناوەندێ پەی فێربیەی زوانی هه‌ورامی.
4.
هەرمان کەردەی پەی کەردەیۆ
میدیای هەورامی بەتیبەت کەناڵی ئاسمانی
5.
کەردەیۆ بەشو زوانی هەورامی
جە زانکۆهەلەبجەینه /فاکەڵتی زوانەکا.
6.
هه‌رمان كه‌رده‌ی په‌ی مه‌رزناره‌ی ئه‌نجومه‌ن و هه‌ورامانی، كه هه‌رمانه
كه‌رۆ په‌ی لاوسته‌و ته‌مامو كیشه زوانی و رۆشنبیریی و په‌روه‌رده‌ی و و میدیا و
خزمه‌تگوزارییه‌كا و ناوچه‌و هه‌ورامانی.
7.
چاپ کەردەی ته‌مامۆ بابەتەکا کۆنفرانسی جه تۆ و كتیبینه جە
لایەنو
(زانکۆی،پاریزگای،قایمقامی.ڕۆشنبیری)
8.
هەماهەنگی چنی شەبەکو باجەلان ،زەنگنە،کاکەیی ، په‌ی زیاته‌ر گرنگیدای
به كلتوور گۆرانی و بەستەی
کۆنفرانسێ یان دیدارێ سه‌ر و جیاوازیەکا و
چوونیه‌كیەکا ته‌مامۆ پیكهاته‌كا .
9.
هەرمانکەردەی بە یۆوستەی ڕازوان و ڕانویسی هەورامی چنی یۆوستەی
تەختەکرێڵە (کیبۆردە ) هەورامیەکا
ده‌سته‌و راوه‌به‌رو
كۆنفرانسو هه‌ورامان ئه‌ژناسی
21/4/2017
