شش
مانگیٛ شوٙتدای؛ ئەڎای پاریزنوٙ جە چەربی یەهەری
وشکنای
و ئەشکاوای تازەو زانگاو کالیفۆرنیای بەروستەن، هەرئەڎێوە شش مانگیٛ شوٙت بڎوٙنە
جە سینەو ویٛش بە زاڕوٙڵێوە نام زیادتەری، تەرسەو توشبیەی بە نەوەشی چەربی یەهەریش
کەم بوٙوە هەتا مەنیٛنە ژیوایشەنە، (نەوەشی چەربی یەهەری جە نیمەو عەمرینە دیاری
مڎوٙ، هیچ پیٛوەنش نیا بە واردەی کحولیوە، وە هیچ چارەسەرێوەش نیەن بیجگە فاڕای
تەشکو ژیوای و واردەی).
ئی
وشکنایە پاڵپەشتی گردو کەلکە تەندروستیەکا مکەروٙ کە ئەڎا دەسش مەگنانە جە وەرپیٛکو
شوٙتداینە، بەتایبە نەوەشی چەربی یەهەری کە بە فاڕای واردەی و تەشکو ژیوای
چارەسەرش مەبوٙ.
ڕیٛکوزیای
دروستی جهانی هانەو ئەڎایا مەڎو کە شش مانگیٛ جە سینەو ویٛشان شوٙت بڎا بە
زاڕوٙکەیشان، ڕاپوٙرتە پزیشکیەکیٛ باسو کەلکەکاو شوٙتدای سروشتی جە سینەو ئەڎای مکەرانە
و ماچا؛ هامکاری
توشنەبیەی بە سەرتانو مەمەی کەروٙ، کەمتەرش مکەروٙوە، هەرپاسە ڕوٙزگارت بوٙ جە خیش
بیەی وەختو لەم پەڕینە، چەنی ئانەیچ پیٛوەنی و وەشەسیای بەینو ئەڎاو زاڕۆینە
بیٛحەد زیاد مکەروٙ.
ئتر
با کەلەکە فراوانەکاو شوٙتو ئەڎای مدرانە چەولاوە کە وەرگەگیٛرتەی زاڕوٙی
زیادکەروٙ وەرانوەرو نەوەشیەکا.
د.ناجح
گوڵپی 4/11/2018
