کولیستروڵ هوٙکارش وەرەسەین نەک واردەی

کولیستروڵ  هوٙکارش  وەرەسەین نەک  واردەی

گەورە دکتوٙرو ئەڵمانیای  ( یانس ئابیر)  جە بەشو  کوٙرە گلاندەکاو  زانستو قەنڎی  جە نەوەشخانەو هامبورگ _ ئیبندورفی زانگایی ، وەڵاش کەردۆ هەکە هوٙکارو  زیاد بیەو کولیسترۆڵو وونیٛ  نونگێوە  وەرسەییش هەن ، جینەکاو ئانزانی  وەرپەرسیٛنیٛ جە گلیٛر بیەیۆ کولسترۆڵی لاشەنە  نەک ڕیٛژێمو واردەی .

درێژەو هوٙر وشکناکەیشەنە  واتەنش لاشەو بڕێ کەسا کولیسترۆڵیٛوە فرە  دروس مکەرانیٛ ،  هەرپاسە  ڕاژەو %10  سەدەنە دەو کوٙلیسترۆڵو بەدەنی  بە هوٙرکارو  واردەی  دروس بوٙنە  نەک گردش .

کولیسترۆڵ مادێوە  فرە پنەوازەن پەی لاشەی ، چوونکاتەی  بەشدارەن جە دروس کەردەو دیوار و خانەکاو لاشەی .

یەهەر ( جەرگ) سەرەمڕە پیمانەو  حاسو کولیسترۆڵی مکەروٙ لاشەنە، هەروەخت لاشە ئەوەجەش پنە بوٙ  هانەو دروسکریا کیمیاکا مڎوٙنە  تا کولیسترۆڵی تازە  دروسکەرانە .

کولیستروڵ هیچ وەخت زەرەرش نیا پەی لاشەی ، مەگەر  حاسش زیاد بوٙنە دلیٛ ونیٛنە و لاشەیەنە .

وەروئانەی  بەرگو خانە کولیستروڵیەکا پڕوٙتینەن ، هاموٙشوٙ کەردەی کولسترۆڵی دلیٛ لوولە ونیەکارە   بوٙ بایسو لکای یۆیرەو خانە کولستروڵیەکا ، ئتر گرساوە پۆ  دیمو دلیٛ لوولە ونینەکاوە ،  وردە وردەی  دیوارو  لوولەکا  ڕەق  بوٙنەو ، کیٛشمانو  لوولەکا کەم مکەروٙ ، یاردی دروس بیەو  نەوەشی   دڵی و ڕەق بیەو لوولەکا ونیٛ و  وون گرسای  مڎوٙنە .

 دکتور موٙچیاریما  مکەروٙ هەکە عەمرو 35 ساڵیوە  بە ڕیٛکو پیٛکی  حاسو کولیستروڵو  لاشەی  کونتروڵ بکەرمیٛ  نازمیٛ زیاد بکەروٙ ،  هەتا  جە نەوەشیەکاو دڵی و ونیٛ دووریٛ گنمیٛوە .

متاومیٛ جە ڕاو دەرمانیوە حاسو کولیسترۆڵی پاریٛزنمیٛ ، هەرپاسە بڕێ واردیٛچ هەنیٛ مەشوٙ کەم بوەرمیٛشا  ، پیٛسەو  گوٙشتی و هیٛڵەی و کەریٛ ،  ئینیٛ  کەمیٛو کۆمەک مکەرا پەی کەم بیەو کولیستروڵو ونیٛ .

    جە ئینترنێتۆ ئاردەنو هورم گیٛڵنان پەی هەورامی

  د. ناجح گوڵپی   15/1/2018    هەورامان