لەوچە _ لەوسە

لەوچە _ لەوسە

لەوچە _ لەوسە ، دەسینێوە قەڎیمی  و دەسکردو خەڵکو هەورامانی ،  لەوسە جە دوویٛ چوٙوا _ دارا  وەشکریان ، دوویٛ چوٙیٛ پانیکلیٛ پیٛسەو تەختەی ، وەلێ هیٛقمیٛ  سەرێوەشا وە دوویٛ وڵیٛشا کەردەن هەتا  مەحکەم بەسیشا یوٙترینیوە ، سەرکەی تەریچیٛش  واز بیەن ، کرایانۆ  ، دماو هەرمانەکیٛ ، لەوس  گیٛرتەی  ئاڎیچ مەحکەم جەڕ دریان و هوٙرپیٛکیان  و لەوسیٛ وەڵاخەکەیش بە مەحکمی گرتیٛنیٛ و فشارێنیٛش .

لەوچە دەسینیٛوە بیەن ئەوسا  پەی  جەڕدای  یام گیٛرتەی لچ و لەوسو  وەڵاخی بەرزەی (  هەسەرە _ هەر _ ئەسپ و ماینی )  بەکار ئامان ، وەختێ ئوٙساو ناڵکەردەی ( ناڵبەنڎ)  خەریکو  سم تاشتەی  بیەن بە ( سم تراش) ، یۆ تەریچ  بە لەوچە  ، لەوسیٛ وەڵاخەکەیش تنڎ فشارێنیٛ ، ئتر ئیٛشو ئازارو لەوساش پاسەش کەردەن کەمتەر هوٙشو هاگاش لاو سماشەو بوٙ ،  هەرمانەو  سم تراشاکەیش ئاسانە کەردیٛنە ،

خەڵکو هەورامانی هەمیشە ئەوەجەش بەهەرچی بیەبوٙ  بە ئەقڵو ژیری ویٛشا دروسشا کەردەن .

لەوسە :  جە  لەوس ، لەوسیٛ  وە هوٙرگیریان ،  لەوچە :  جە لچاوە  ،لچیٛ ، لچ هوٙرگیریان ،  لچ و لەوس  ،  لەپو لەوس .  داخەم  مەشوٙ هەکە ویٛنەو لەوچەیما نیەن.

جە کاک ڕەزا عەبدڵا گوڵپی هوٙرم گیٛرتەن  

 د.ناجح گوڵپی ... 15/1/2018 هەورامان