لاوانە
زەرد
فەرهەنگو
هەورامانینە ئەوسا بە لافاوی وچیان (لاو). ڕەنجی لاو بەردەم. هەرپاسە لاوانە زەرد
وەشتو وارانێوی خوڕەمەن کە وەهاریٛنە مەوارۉ. هەمیج بورجێون جە بورجەکاو وەهارو
ساڵیٛ، بورج یانی نۉ ڕویٛ. یانی لاوانە زەرد مەشۉ نۉ ڕویٛ بۉ پسەو برجو سیٛششی، کە
شش ڕویٛ وارانەن و شش وا، شش وەرەتاو یانی مکەرۉ کاتو دویٛ برجا! مرۆ وشک کە
بورجێوی تەرەن. سیٛشش، یۉ جە ششەکا مەگنۉ زمسانیٛ، ئەو دوەکیٛ مەگنا وەهاریٛ یانی
دماو سیٛ ششش لاوانە زەرد نەمۉوەنە، ئیجا مرۆوشکوان.
تەجربەو
قەدیمای واتەن هەرساڵێو سیٛ ششیٛ واران بۆ سالەکیٛش وشکەنە(شیٛششی تەڕ، وەهاری
بیٛفەڕ)، وەلێم هەر سالێو سیٛششیٛ وشکیٛ با ساڵەش فەڕوبەرکەتدارەنە. پەوکای بە
ئاخر مانگەو زمسانی واتەنشا قاتە، نە وشکەو ساڵیٛ وەڵینیٛ مەنۉ، نە تەڕەو ساڵیٛ
تازی یاوان پەنە.
ئەوسا
ئەژنیەنم لاوانە زەرد یەریٛ رویٛ سەرو یۉی وارەنەن، لافاوی زەردی هەڕاوی
هۉرمەئیٛزۆ چون وەروە شییٛنەوە و زەمین بەرکەوتەن پەوکی خولە، خاک، هەڕە چەنی ویٛش
مەماڵۆ، زەرد مرمانۉ، نامەکیٛش لافاوی زەردەن، ڕەنگا شش ڕووەکەی تەرش هەور،
تەوەرگو وەروە بۉ. تەجربەو قەدیمای واتەن، لاوانە زەردنە بزەلاتەکاتا مەکەردیٛ
گەلە، وەرگەو سەردای و لاوی زەری نمەگیٛرا، لافاو بەرۉشا.
قەدیما
فەرماوان، لاوانە زەردی واتەن: ئەگەر ڕوێم بیێ زمسانەنە، قاڕەکەر بڕینیٛ هەورامانەنە.
هەرپاسەیچ تەجرەبەو قەدیما هەن ماچۉ، روێو هەن لاوانە زەردنە، پەنەش ماچا ڕۆو
تاری، هەرکەسێو جا ڕۉنە بوسو، تا ساڵە مەگیٛڵۆوە وەرماڵۉخەن، هەمیشە وڕو کاسەن و
وەرمش مەیۉ.
میانو
هەمرۉمشکوان(هەمرۉ پشکوان)ینە بەرجێو گولانە هەن پەنەش ماچا (ئەرخەوان سور)
ئەڵخەوان سور، ڕۉنە سایقەن و شەویٛنە واران مەوارۉ، کاتێوەن کە ئەرخەوان چڕۆمەکرۉ
و مەتنگنۉوە، ئەرخەوان سور مەبۉنە،
مرۉوشک/
مورۉوشکوان، دماو لاوانە زەردین ئاکاتنە کە مرویٛ کویٛسانەکاوە هەراڵە مەکەرانیٛ،
پەیش هەن ئادیچ سەرد بۉ. قەدیمای واتەن ئەگەر دە قۉتەریٛت با زمسانیٛنە ، یۉشا
هۉربگیٛرە پەی مرۉوشکی. (قۉتەرەو زمسانی هۉربگیٛرە پەی هەمرۉ وشکوانی).
وەلێم
چندە ساڵیٛ ویەردەن چەرخ فاڕیان ئی کەشو هەوا فاڕیان، ئیشەڵلا خودای گەورە چەرخ
مەگیٛڵنۉوە پەی جاریجارانی. (سیٛششیٛ، لاوانە زەرد، ئەرخەوان سور، مرۉوشکوان).
ئی
گردە نامیٛ پەی ئیگردە دیارکەوتا سرووشتیە خەڵکی سەلیٛقەهەنو هەورامانی نیانرە،
هەڵبە پسە واتما ئیسە ئی نامیٛما ویر شییٛنیٛوە، جون هەم چەرخ واڕیان هەم
ئانزانەکیٛچ خجڵینیٛ چیٛویٛ تەرو ژیوایرە، ئەوسا ئانزان فرە ئاشنا و ئامیٛتەو
سروشتی بیەن، پەیش بەردەن بە دیارکەوتەکاو سروشتی.
ئامادەکەردەی:
ناجح گوڵپی 25/3/2026
