هەورامان لیستەو جیهانی یونسکۆینە توٙمار کریا

 

هەورامان لیستەو جیهانی یونسکۆینە توٙمار کریا

ئاروٙ 27/7/2021 جە ئەرنیشتەو یونسکۆی وەلاتو چینی شارو فوجوی، بەئامادە بیەی نمایندەو 139 وەڵاتان، هەورامان پیٛسەو ناوچێ فەرهەنگی جە ئیٛراننە ئەژناسیا و لوانە دلیٛ توٙماری جەهانی یونسکۆی.

جە چل و چوارەمین ئەرەنیشتەی لیژنەی فەرهەنگی جەهانی یونسکۆینە هەورامان پیٛسەو ویسو ششەمین پایگای فەرهەنگی دیارو ئیرانی جە یونسکونە تومار کریا. سنورو توماری جەهانی هەورامانی 303 هەکتاریٛ و 700 دەگای و 300 یاگیٛ ئەرەنیشتەی هەمیشەیی، 3 ناوچیٛ پاریٛزیێ، 1100 ناوچیٛ تاریخییٛ، چەنی توٙمارو ئاهەنگ و نەریتەکانو ناوچەکەی، هەرپاسە توٙمارو 36 دەگاییٛ مەگیٛروٙنە ویٛ کە وەڵتەر سەرو ئاستو ئیٛرانی توماری مللی کریانیٛ.

هەورامان سەرزەمینی ئاهورایی، سەرزەمینو ئاهورامەزدای  و پیرشالیاری و کانگاو سیاوچەمانەی ناوچێ جوگرافین مەگنونە دلیٛراسەو کەشەکانو زاگروٙسی میانو ئیرانی و ئیراقی- هەریٛمو کوردەسانی. یوٙن جە جوانتەرین ناوچەکانو میانو هەر یەرە پاریزگایان،کرماشان، کوردستان، هەڵەبجە. هەورامان دوڵەمەندەن بە فەرهەنگێ ڕەسەنی دێرین جە ناوچەکەنە، تا ئیسەیچ پاریٛزیان، کسمی دەسی نامورەن جە هەورامان، فەرهەنگی جیاوازی کۆمەڵایەتی یوٙتەرەن جە سیماکانو هەورامانی. هەورامان ئیسە بیەن بە یاگێوی گەشتیاریە چی دیم و چەودیم هەزارن کەسێ جە ئیراق و سەرتاسەرو ئیرانی ڕوە مەکەرانیٛ هەورامان پەی گەشتەی. ئێمەی هەورامی زوان مەشوٙ ئی ئاژەیە بە بارێ پۆزەیفەرە کەلکش چەنە هوٙربگیٛرمیٛ، بزانمیٛ چەنی مامەڵەش چەنی بکەرمیٛ، تا زوان و فەرهەنگو هەورامانی زیاتەر بژیونمیٛوە نازمیٛ چینەی زیاتەر بگنوٙ پەشتەو کەنوٙڵا.

پیروزەن جە مەردمو هەورامانی

https://hewraman.net/?p=4881

 د. ناجح گوڵپی 27/7/2021