کتیٛبو ڕازوانی هەورامی چاپ کریا

 کتیٛبو ڕازوانی هەورامی  چاپ کریا

 ئاروٙ جمعە  25/5/2018  کیٛبو ڕازوانی هەورامی بە وەشحاڵیوە چیرو چاپینە تەمامیا ، پی زووانیە گنوٙ وەرەچەمو وانەرەکاش ، ئی کتیٛبە  " 365 " لا پەلیٛ  قەوارەی گەورەی " A4 " ەن ،   موٙڵەتو سپارایش جە یانەو کتیٛبە گردینیەکا سلیٛمانینە دریان پەنە  بە ژمارە " 1298 "  چاپخانەو پیرە مێردو هەڵەبجەینە چاپ کریان و   ماموٙسا هیوا مەحمودی  وناران .

ڕازوانی هەورامی کتیٛبێوەن پەی کتیٛبیانەو هەورامانی  فرە پەنە وازەن ، بە زوانی شیرینی هەورامی نویسیان ، ئومیٛڎ وارنا  یاگەگیر بوٙ و بتاووٙ نەخشیٛوی دیارش بوٙنە  پەی ئەوە ژیونای زوانەکەیما .

دماو ماوە زیاتەر جە چوار مانگا نویستەی سەرەمڕەی و  لوایۆ پۆرەیش و هەڵەچنی و ئیجا ونارایش ، بەهەر حاڵێ بی  چاپم کەرد ، سپاس گوزارو خوای گەورەینا هەکە تەوانایش دانی پەنە بنویسوش و چاپش بکەروو .

 ڕازوانی هەورامی جە  نوٙ  لیٛژا " بەشا "  دروسبیەن  :

 لیٛژەی یڤەم: چنڎ باسیٛوەنیٛ سەرو ئەلفوبیٛ هەورامی و  واتیٛ  و جۆرەکاو واتیٛ و  ڕستە " بنجوٙک " جۆرەکاو ڕستەی و  بکەرو وەرکار ،،،،،

لیٛژەی دڤەم : ئامرازەکیٛ زوانی هەورامینە ،  تا ئایاگیٛ تاوابوٙما نامیٛما بەردیٛنیٛو باسما کەردیٛنیٛ   

 لیٛژەی یەرەم  چەمە / چاوگ/ مصدر

لیٛژەی چوارەم  :  کردە _ کار _ هەرمانە  / کردار

لیٛژەی  پەنجەم :  نامیٛ

لیٛژەی ششەم : یاگە نامیٛ / جێناو / ضمیر

لیٛژەی ‌حەوتەم : یاوەرنامیٛ / ئاوەڵناو / سیفە

لیٛژەی هەشتەم  : یاوەر کردە / ئاوەڵکار / ظرف

لیٛژەی نوٙیەم : ژمارە / العدد

  یاگیٛ ستایشن چیٛگەنە  باسو ماموٙسا جەمال بێداری کەرو ، چوون کتبو ڕازوانەکەو ئاڎی هاندەری یڤەمم بیٛ تا منیچ دەس پەنەکەرونە .

ئاوات وازو ئی کتیٛبە  بوٙ بە سەرچەمە پەی ئەوە ژیونای زوانەکەیما بە شێوێ زانستی ، هەرپاسە بوٙ  بە یاگیٛ واتو واچی و  مشتو مڕی برایانەو هەورامیەکا  هەتا پیٛوەرە کەمو کوڵیەکاش  چارەسەر بکەرمیٛ و چاپە دمایینەکانە زەریفتەرو دوٙڵەمەند تەرش بکەرمیٛ .

   بنویسو کتیٛبەکەی  د.ناجح گوڵپی 25/5/2018 ی