ئامای _ ئاومای :
ئاما ... " مێ_ ئیٛ _ مێو _ مەی _
مەیوٙ _ مەو " ... بوٙ
ئازاڎ ئاما پەی یانەیما .. ئاڎ / ئاڎە مێ پەی
یانەیما ... ئازاڎ کەی مەی / مەیو پەی یانەیما ؟
.... من مەو چەنیتا .... توٙ بوٙ چەنیما
ئامای _ ئاومای _ ئەومەی: چەمەن
... ئاما _ ئاوما : قەڎو چەمەین بوٙ بە
کردەی ویەردە
میٛمانەکەما ئاما ..... مێمانەکەما ئامان ...
میٛمانەکەما ئاما بیٛ ... میٛمانەکەما ئاما بیەبیێ
میٛمانەکە ئاوما ...ئاومان ... ئاومابیٛ ...ئاوما بیەبیێ
ئام _ ئاوم : ڕیٛخەن : بەپاو یاساو چەمەی بە لابەردەی "ای " سەرو چەمەیوە ڕیٛخە
ما دەس گنوٙ .
با بزانمیٛ
کردەی نەویەردە " ئیسەو ئایندە " چەنی دەس گنوٙ جە چەمەو " ئامای "
میٛمانەکەما " مێ _ مێو _ مەی _ مەیو "
چیٛگەنە هیچ شوٙنەمایوە " ئام
– ئاوم " ی دیار نیا ...
بنەڕەتەنە مەشوٙ واچمیٛ میٛمانەکەما
مئام _ مئاوم ... میمەکەو بنەڕای
نیشانیٛ کردەی نەویەردەینە ، جە تەشکێوە تەرەنە ماچمیٛ : ئازاد ئیٛ پەی ئیٛگەی
= ئازاد مئێ پەی ئیٛگەی = ئازاد مێ پەی ئیٛگەی
من مەو پەی لایت :
چیٛگەنە بنەڕەتنە " مئەو
" بیەن ، من مئەو پەی لایت : شوٙنەماو " ئـ " مەنیٛنە .. زوانی
هەورامیچەنە فرەو وەختی جە کردەی
نەویەردەنە " ئـ " ،
هەکە " میم " گنوٙ وەڵیٛش ، ناڕەحەت مەی سەرو زوانی و
نمەواچیوٙ .
توٙ مەئەی = توٙ مەی ..... ئیٛمە مەئەیمیٛ = ئیٛمە مەیمیٛ .... شمە
مەئەیدیٛ = شمە مەیدیٛ .. ئاڎیٛ
مەئەیا ... شمە مەئەیدیٛ ... چیٛگەنە
شوٙنەماو ڕیٛخەی " ئـە " ن
هەرپاسە بزاندیٛ
کردەی نەویەردە زوانی هەورامینە بە "
م " میم دەسپەنەکەروٙ " م + ئە
+و = مئەو = مەو
با سەرنجەو
کردەی نەویەردەی سەرەمڕەی تاکیدی
دەیمی " میٛمانەکام مەئای مەئیٛ
= مای مێ ... مەئای مەئەی = مای
مەی ....... .. ئای ئیٛ پەی یانەیما ، چیٛگەنە
ڕێخەکە دیارا " ئـ "
هەکە ملمیٛوە پەی تەشکو " ئەرەنیای " وەشڵەی میٛمانەکەما ئاومابیێ – ئاما بیێ " ئاما بیایا ...... ئاما بە زەریفی ویٛش نیشانە
مڎوٙ
با سەرنجەو کردەی داوایی دەیمیٛ :
بوٙ ...... جا بزانمیٛ
چەنی جە چەمەو " ئامای " بوٙ
بەرئامان
بئوٙ ...بوٙ
...تەنیا " ئــ " جە
ئاماکەی مەنیٛنەو ، وەختو قسەکەردەینە قووتە دریێنەو دیارە نیەنە ..
مەشوٙ بزانمیٛ هەکە حەرفو " بـ " زوانی هەورامینە گنوٙ وەڵیٛ کردەی داوایی ، کردەی
داواییچ جە ڕێخەو چەمەی دروس بوٙنەو واچ " حەرف " و " بـ " گنوٙ وەڵیٛش ... بـ +
ئـ + وٙ
: بئوٙ ... "وٙ " یاگە نامیٛ لکیانە پەی کەسو دوەمو تاکی " توٙ بوٙ " .
بئوٙ
پەی یانەیما = بوٙ پەی یانەیما ...
ئیسا بەرگنوٙ
تەنیا " ئـ
" " ئە " پیٛسەو ڕیٛخەو
ئاومای چەسپیان قسیٛ کەردەینەو
نویستەینە ، ئام
ناڕەحەت گنوٙ سەرو زوانی
د . ناجح گوڵپی
15/5/2018
