یادو کیمیاواران و نۆتشەی

.
یادو کیمیاواران و نۆتشەی
ئارۆ هەڤدەو مانگەو یەری 17/3/2017  ( 26 و سیاوکامی )  ویسۆنۆساڵی ملۆ سەرو بۆموارانی کیمیایی شارو نۆتشەو هەورامانیرە،  ڕژێمو  سەدامی هەر یەک ڕۆ دماو کیمیاواران و هەلەبجەی  نۆتشەیچش بۆمواران کەرد،یانی 17/3/1988، دماو حەوت روا تەری  جارێو تەریچ  24/3/1988 هەمدیسان بۆموارانش کەردۆ،پەی جاری یەرمی دماو نۆ ڕوا تەری  2/4/1988 بۆموارانش کەردۆ.
ئەنجام و ئی تاوانە گەورێ  (104) کەسێ مەدەنی شەهیدێ  و زیاتەر جە 700 کەسا بریندارێ بیی، دمایی شاندێ نەتەوە یۆگرتەکا  سەردانو نۆتشەیشا کەرد پەیشا بەرکەوت گازی کیمیایی جۆر و خەردەل (موستارد) بەکار ئامان جە بۆموارانەکەنە.
چا وەختۆن بە نونگەو کاریگەری بریندار بیە ی بە کیمیایەکەی ،خەڵکی زیاتەر گیانش بەخشان ، هەرپاسە گازو خەردەلی شۆنەمای خراپە  سەرو  ژیوگەی (ئاو خاکی) جیا مازۆ و دێڕ لامشۆ، چنی ئانەیچ یۆن چا گازە کیمیایا کە شۆنەمای درێژ ماوە سەرو بەدەن و ئینسانیچۆ منیۆرە،بۆ بەنونگەو پەیدا بیەی جۆرەها سەرەتانی، ناکامی زاڕۆلەی تازە پەیدابیەی .
ڕژێم و بەعسی دژە کوردی هەر بە شار و نۆدشەی دڵش ئاویش نەواردۆ، هەر چا ڕۆنە  و چن ڕوێ دماتەر ،ڕاو لوای خەڵكو هەڵەبجەو هەورامانی پەی دیمو ئیرانی جە دزڵی ۆ هەتا  دەرەناخی و زەکەریاو بیەکەڕە  بۆموارانی شیمیایش کەرد ،یەک کەسی گولپی وەردەمو  دەگاو دەرەناخی گیانش بەخشا، چنەها کەسیچ بریندار کەوتی.
هەرپاسە چن ڕوێ دماو هەلەبجەی 22/3/1988ی  دەگاکا (نژمار،بالک،دەگا شیخان،نێ) شیمیا وارانێ کری بە فڕۆکە(بالەفڕ.تەیارە) ،بەپاو شاهید حالەکا ماچی زیاتەر جە 50 کەسا  دەگاو  نژماری شەهیدێ بیی و جە قەبرسانو دەگاو چۆڕی ئەسپەردە کرێنێ، یانی دەگاو چۆڕی ئامێنی فریاشاوە،وە زیاتەر جە (150) کەسا بریندارێ بینی، سەرچەمێ تەر ماچۆ زیاد جە  (300) کەسا شەهیدێ بینی، ئاسەرجەمە  گلەییش جە کۆماری ئیسلامی کەردەن هەکە باسو ئی تاوانیشە نەکەردێنە  دەرهەق پی دەگێ کرێنە.
هەرپاسە ڕۆ 9/3/1988 دەگاو قەلاجی بە گازی شیمیایی  خەردەلی بۆموارەنە کریا زیاتەەر جە (3)نشيهیداو  (30) بریندارێ کەوتێ، سەروەختو کیمیاوارن و هەلەبجەی ،چندەها دەگێ تەر سەرسنورەکا  بۆموارانێ کرێنێ، هەەر جە سنورو  پاوەی هەتا یوۆ نزیک سەردەشتی، وەلی بە نونگەی جیواز ئێ دەگا ناوچێ نامێشا بە تەمامی تۆمار نەکرینی.
  د.ناجح گوڵپی

17/3/1988

veterinary medicine. يتم التشغيل بواسطة Blogger.

پەیوەندی

بابەتە پڕخوێنەرەکان

ئەرشیڤ