شەلەمینە (ترخێنە)
شەلەمینە چاشتێ کوردەواریە
و زمسانینە ،چێگەنە هەوڵ مدەیمێ کە بزانمێ چنی ئامدەو سازەکریۆ ..سەرەتا گەنمێ
خاسێ پەیدا کەرمێ جوان شۆرمێشاوە وتاوشکێ باوە ئینجا هاڕمێشا وکەرمیشا *وڵۆشە* یان *کاڵە وڵۆشە* هارای
گەنمەکا ئەوسا بە هارەی دەسی بیەن،ئیسا بەئاساو ..دماتەر بەمیزان چنی وڵۆشەکێ
شەلەمی سەوزی کە خاس سەرەشا نەکردەبۆ حازر کەرمێ پاک و پوخت شۆرمێشاوە ئینجا وردورد
جەنمێشا، چەولاوە قازانێ ئاوی پاکە گەرمە
کەرمێ تاجوان گریۆ،،دماتەر ئایرەکەیش کوشنمێ،،
ئینجا مارمێ وڵٶشەکێ کەرمێ
دلێ ئاوەگەرمەکێ وجوان تێکش مدەیمێ هەرپاسە شەلەمەکێچش تێکەڵ کەرمی وئینجا مەکیش
کەرمێ..
دمای ئانەی خاس تێکما دا
ملو یۆیرە دلێ قازەنەکێنە ئینجا فاڕمێشۆ
پەی دلێ دەفرێ پاکی سەرقەپاتی پێسە سەتڵێ...ئینجا یەک حەفتە یان زیاتەر دلێ
سەتلەکێنە مازمێشۆ تا جوان تشیۆ،،جار جار سەرش هۆر مدەیمیو تێکش مدەیمێ،،چاوەختەنە
بوێ فرە گولەش چۆ مێ،،ئیتر ماچمێ
*شەلەتسێ*هههه
دماوئانەی ماوەکەش
تەمامیاو یاواپەنە تامش کەرمێ ئەگەر وەشەبیێ بۆ مارمێ یاگێ پاکەنە منیەمێشۆ
کەرمیش سەرە *سەلک* مشۆ یاگێش پاکە بۆ وەرتاوش کەم بۆ تاکو
وەرتاو نەخرابنۆش.. **ئەوسا سەرو پوینەیۆ یان گەلا هەنجیر ،گەلا وەز یۆ شيلەمینەشا
نینۆ جەهەورامانەنە **ئینجا ماوەو چن ڕوێنە وشکە بۆ ئێمیچ ورش گێرمێ پەی زمسانی،،
وەلێنە واتما شەلەمینە
چاشتەو زماسنینە،،سازکەردیچش گنۆ پایزێ
جونکە تا خەلەو خەرمان یاوۆ پەنەو شەلەمیچ هەر پایزێنە یاواپەنە،،ئیتر پێوەر
گنا ووەرزو پایزی،،
زەمانو زووی شەلەمینە پەی
گەرم کەردەیۆ سینەی و گڵوێ بەکار ئامێنە،،پێسە شۆرباوێ چن سەرێوە کەرا دلێ کەمێ
ئاویو گەرمەش کەراو هۆرش قۆڕناوە،،پەی سەرماخوردەگی فرە خاسەنە..دماتەر ڕوەن و ڕب
وباینجانە سورلا پەیدا بی ئیتر چنی ڕبی روەنی وەشتەر بەرمشۆ..هەرپاسە مشۆ میژویش
کەرینە وەشتەربۆ،،بەپاو حەزو خەڵکی تاوی مەژگە،،کشمیشی،،گۆشت ،،چنیش بنیەی
سەر،،بەلام من تەنیا شەلەمینە سادەکێ بەوەش زانوو وەر ئانەی نامێ راسەقینێ وێش گمە
نەکەر
د.ناجح
گوڵپی
24/11/2012-هەلەبجە
