باسێوی فەرهەنگی دەگاو گوڵپی
تازەتەرین بەرویرو د. ناجح گوڵپین، جە ئایندێوی نزیکەنە چاپ و پەخش
مەکریوٙنە.
دوسەدو ویسو نوٙ لاپەلیٛن،
ژمارەو ئەسپارای ٢٦٠٧ دریان پەنە جە کتیبخانە گردینیەکاو هەڵەبجەینە.
قەواروە کتیٛبی ١٧*٢٤
ونارای بەرگی و دلیٛنەی: هانە ناجح.
ئینە ششەم بەرویرمەن کە بە زوانو گوران-دایلەکتو هەورامانی منویسوش، کە
باسێوی فەرهەنگی ڕەنگامەن سەرو دەگاو گوڵپی. جوگرافیاو گوڵپی، ویەردەو گوڵپی، کسم
و بژیوانی خەڵکو دەگاو گوڵپی، بیچمی کومەڵایەتی خەڵکو دەگاو گوڵپی، نامیٛ یاگیٛ
کوٙشەنو دەگاو گوڵپینە، ویەردەو وانای و ڕوٙشنویری جە دەگاو گوڵپینە، پەیوەندی
گوڵپی چەنی هامسا دەگایەکاش، کسمو خەڵکو دەگاو گوڵپی، باخداری و ئاژەڵداری و
کشتوکیار دەگاو گوڵپینە، سیما شارستانیەکیٛ دەگاو گوڵپی، واردەمەنی، گەمەقەدیمیەکیٛ،
پیامقوڵیٛ، حنەرو دەگاو گوڵپی، هورپڕای و گورانیواتەی. چەنی بڕێ چیٛوی تەری کە
هەورامانەنە و دەگاکیٛمانە ئەوسا بییٛنیٛ وزیێنیٛ وەرەچەم تا وەچەی تازە پەنەشا
ئاشنا بوٙنە. ئومیدم پاسەن هەکە ڕوٙشنویرێ دەگایەکای تەرو هەورامانی قوٙڵیٛ
هوٙبماڵانیٛ و سەرو دەگاکیٛ ویٛشا بنیوسان، چون خزمەتێن بە ویەردەی و کیٛ بیەی
هەورامانی. ئی کتیٛبە سەرو ئەرکو ویٛم چاپکریان و ئاهەنگێ تایبەنە دەگاو گوڵپینە
ئەوەوانایش پەی مەکریوٙنە مەبەخشنیوٙوە ملو هامدەگایەکامرە و ئامادە بیارە.
ناجح گوڵپی 2/3/2024
