پەنج
پاکۆکەریٛ ڤایرەسو کروٙنای نمەکوشان
وەختەکارێنە
گردمان تەقەلا مڎەیمیٛ کە ویٛمان بپاریٛزنمیٛ جە نەوەشی کروٙنای، مەوینمیٛ بڕێ ورەشیاری،
جوٙرە پاکۆکەریٛشان وستیٛنیٛ بازاڕ کە یانەنە بەکار مەیانیٛ، ڤایرەسو کروٙنای
نمەکوشان، چەولایچەو هاڵاو دواڵا مەکەران پەیشان جە تەلەفزیوٙن و ئینترنێتنە گویا
ڤایرەسو کرونای مەکوشان. فەرماودیٛ با بزانمیٛ ئا پەنج مادە بازرگانییٛ و یانەییٛ کامیٛنیٛ:
یوە:
پاکۆکەریٛ کە کەمتەر جە %70 ئەلکهولشان چەنەن: مەشوٙ زیاتەر جە %70 ی ئەلکەهولشان
چەنەبوٙنە، ئیجا ڤایرەسو کرونای مەکوشانیٛ، ئەگەر چینەکەمتەر بوٙنە کەلکش نیەن، جا
ئێمە مەشوٙ هاگاداریٛ بیمیٛ وەختیٛو مسانمیٛشان تەماشەو ڕادەو بیەی ئەلکەهولی
بکەرمیٛنە سەرو بەرگەکەیشەو.
دویٛ:
پاکۆکەریٛ سرکەی: بڕێ پاکۆکەریٛ ویٛمانیٛ هەنیٛ دلیٛو وەڵاتی یام شارو ویٛمانە
وەشیٛ مەکریانیٛ و مادەو سرکەیشان چەنەن، وەلێم سرکە هەڵای پیٛسەو مادێوە
ڤایرەسکوشی دڎانش نەنریان پوٙرە. وەرو ئانەی نە ڤایرەسو کروٙنای، نە بڕێ تەر
ڤایروٙسیٛ نمەکوشوٙن و هاگاداریٛ بیمیٛ بەکارشان ناوەرمیٛ.
یەریٛ: زەیتی
بوٙدار، بڕێ زەیتیٛ بوٙ وەشیٛ، یام ئاوەی چەربەو بوٙدارە، بوٙ وەشیٛ هەنیٛ بەکار
مەیانیٛ دلیٛو سابونی و پاکۆکەرانە، ئیجوٙرە بویٛچە سەربارو ئانەی کە سەلەمیان
بەکتریا مەکوشان، وەلێم هەڵای نەسەلەمیان و نەچەسپیان کە ڤایرەسو کرونای بکوشوٙنە.
وەرو ئانەی مەشوٙ پەشتی ببەسمیٛ ئەپا پاکۆکەران کە وەڵاتو ویٛمانە پەشتگیری
کریانیٛ پەی بەکار ئاوردەی.
چوار: دەسماڵ
کاخەزی تەڕی پاکۆکەر: ئی جوٙرە دەسماڵە تەڕیٛ سەلەمیان کە بەکتریا مەکوشان، وەلێم
هەلای نەسەلەمیان کە ڤایرەس بکوشان، بەتایبە ڤایرەسو کرونای(تاجیٛ)، وەروئانەی
نمەبوٙ بەکارشان باوەرمیٛ بەنرخەو پاکۆکەردەی یانەی دژو کروٙنای.
پەنج:
بیکاربوناتو سودیومی(سودە): گردما مزانمیٛ کە سودە مادێوە تفتەن، بڕێ ڤایرەسیٛ
مەکشون، چون بڕێ ڤایرەسیٛ یاگیٛ تفتەنە هوٙرنمەکەران و مەمران. وەلێم کار
نمەکەروٙنە ئەو ڤایرسو کروٙنای، وەرو ئانەی مەشوٙ پەی پاکژکەردەی دلیٛو یانەی بە
نیازو کوشتەی ڤایرەسو کرونای بەکارش ناوەرمیٛ چون نمەکوشوٙش.
جە ئینترنێتۆ:
د. ناجح گوڵپی 16/5/2020 ویس و یەریٛ
ڕەمەزانی
