چەنی ویٛت پاریٛزنی جە
سەرەتانو پروٙستاتی
ئاشکران گەورەتەرین
گیرواردەی پیای سنعەو چل ساڵەی و چادماتەری نەوەشی سەرتانو پروٙستاتین، جا ئەچی
باسە کوڵەنە وزمیٛش وەرەچەمتان تا ویٛتاو ویٛما پاریٛزنمیٛ چەنەش و توشیٛش
نەبیمیٛ.
هەکە عەمرمان نزیکو چل
ساڵیٛ بیوە مەشوٙ بە جوانی وریای ویٛمان بکەرمیٛنە و گوٙشدارمیٛ موٙچیاریەکانو
دکتری کە پەیما مرمانوٙ. چون نەوەشی پروٙستاتی یوٙن جە گیرواردەیەکاو پیای کە توشش
مەیانە جە ژیوایشنە دماو تەمەنو چل ساڵەی. وەڵیٛو چل ساڵەینە یانی عەمرو 39 ساڵینە
پەیش هەن پیا توشو ئی نەوەشیە بوٙنە بە ڕاژەو %0.005 هەزارەنە پەنج، یانی فرە کەمەن، وەلێم ئی ژمارە
بەرز مەبوٙوە پەی %2.2 میانو تەمەنو 40-59
ساڵەینە، هەتا یاووٙنە %7.13 تەمەنو 60 ساڵەینە.
واردەی چەرب و
ناتەندروس نونگەی سەرەکین پەی هوروژنای ئی نەوەشیە، بەتایبە بەرهەمەکیٛو شوٙتی(
پەنیرە، کەریٛ...هتد) مەشوٙ فرە نەورمیٛشان، بە وریایوە و بەڕیٛک و پیٛکی
بوەرمیٛشان، چیلایچوە هەوڵ دەیمیٛ چەربیە تەندروسەکان بوەرمیٛ پیٛسەو چەربی(توم)ی
" توٙم کولەکە، ڕوٙجیارپەرس، بندق، وامی، وەزی، بستە" چەنی چەربی
زەیتونی و ماساویٛ.
شوٙنیەرە مەشوٙ
هاگاداریٛ بیمیٛ گوٙشتی وەشەکریا، گوشتو قتویٛ، بورگر، سجوق، پوٙسوکەرگیٛ، گوشتی ڕچیا، ئینیٛ گرد
زەرەشان هەنە پەی هوروژنای و وەروستەی نەوەشیەکەی.
هەرپاسە واردەیو
سەوزەی و میوەی فرەکەلدارەن پەی دوورکەتەیوە ئەو نەوەشیەکەی، بەتایبە بروکلی و
هەنار و بایجانە سورلیٛ ویٛمانیٛ، شونیەرە موچیاریمان مەکەروٙنە پەی واردەیەو چایی
سەوزی کە فرە کەلکدارەن، خاستەرەن ڕوێ یەریٛ پیاڵیٛ یام زیاتەر چای سەوز نوش
بکەرمیٛنە.
ئومیٛدو لەشساقی پەی
گردو مەردمی و هامرایەکام
جە ئینتەرنیٛتوٙ د. ناجح گوڵپی / مسیارو زوانو ئینگلیزی جە زانستگاو هەڵەبجەی،
ساڵەی یوەمە 2/1/2020
