وات word - واچ letter

.
وات word   - واچ  letter
هەردوی جە چەمەی ویەری " واتەی " هوٙرما گیٛرتیٛنیٛ  ،  ئەگەر نیشانیٛ چەمەیش پۆە لابەرمیٛ مەنوٙوە واتە  ( واتەی _ ی = واتە)  یاوەرنامیٛ کریێ  بەر مشوٙ  ، ( واتە  نیٛرەن ،  واتیٛ  میٛڵیٛنە )
وات : قەدو چەمەو واتەی
واچ :  ڕیٛخەو چەمەو واتەی
پەی دەس کەوتەی قەدو چەمەو ( واتەی)  پی جوٙرە نە : واتەی _ ەی = وات 
وەلیٛ پەی بەرئاردەی ڕیٛخەی پیٛسەن : واتەی _ تەی = وا
سەرنجە دەیمیٛ فرەو چەمە (تائیەکا ) زوانی هەورامینە ملچیٛرو یاساو  بەرئاردەو ڕیٛخەی نمەبا ، فاڕیا ، نمونەیچ  ئانەن وینمیٛش  واتەی = وا
 جە قەدو چەمەو  واتەی _ ەی = وات    یانی کردێوە ویەردەی نزیکو هەواڵیما دەس گنوٙ
 وات  ویەردەی نزیکو هەواڵی   : گوارنیێش واتە ، گوٙرانییٛما واتیٛ ، گوٙرانییٛشا واتیٛ
وەلێ  ( وات) پەی دەمو نەویەردەی فاڕیوٙ ، ملچیٛرو یاساو ڕازوانی نمەبوٙ
   نەویەردە  : گوارنییٛ ماچوٙ ، گوٙرانییٛ ماچای ماچوٙ / گوارانییٛ ماچمیٛ / ماچا
     داوایی : گوارنیێوەما پەی  بواچە    
پەی بەرئاردەی ڕیٛخەو ( واتەی)  مەشوٙ بە یاسێوە  شازە هەکە پیٛسەو یاساو  چەمەکا تەری نیەنە  . پی جوٙرە :  موٙرفیمو  ویەردەی – ت + چ = وات -ت + چ =  واچ
یانی  ( ت)  کردە ویەردەکەی لامشوٙ و  ( چ) یاگیٛش گیٛروٙوە .
وەلیٛ  چەنی بە چ یاسێوە  ( چ) یاگیٛ ( ت) گیٛروٙوە ، ئانە کەس نمەزانوٙ  ، زوانی هەورامی پاسەن  ،  نمونیٛ فریٛما هەنیٛ جە چەمە تائیەکانە  پاسەشا سەر مەی ( قوٙت – قوٙچ ،  پیٛت _ پیٛچ ،  مت _ مج ، شت _ شوٙر..... هتد  )
وات : وشە ، کلمە ، word  
واچ : حرف ، پیت letter   

                                                              د.ناج گولپی   31/1/2018 


veterinary medicine. يتم التشغيل بواسطة Blogger.

پەیوەندی

بابەتە پڕخوێنەرەکان

ئەرشیڤ